Berbijara Demokrat ya seroktîyê Hillary Clinton îro Duşemê di konferanseke Cîhuyan de got, dema ew bibe serok ewê bibe piştevaneke xurt ya dewleta Îsraîlê.
Axaftina Clinton ya di konferansê de bi çepikên xurt hate pêşwazî kirin, dema wê daxuyanîya berbijarê Komarî Donald Trump bi tundî red kir ku gotibû ewê di kêşeya Îsraîl û Fîlîstînîyan de bibe serokekî bêalî.
Clinton got, Amerîka ne hewceyî serokek e ku roja Duşemê bêalî ye, Sêşemê piştgirî bide Îsraîlê û xude zane Çarşemê wê piştevanîya kê bike.
“Gelî hevalan, ewlekarîya Îsraîlê nabe mijara bazaran. Dema mijar parastina Îsraîlê be, Amerîka nikare bêalî bimîne," Clinton got.