Lînkên eksesibilîtî

Breaking News

HRW: Tirkîyê bi Sed Hezaran Koçberên Sûrî bi Zorê Şandin Îdlibê


Çavdêrîya Mafên Mirovan (HRW) ragihand ku hêzên ewlekarîya Tirk, ji Berfanbarê vir ve rê li ber bi hezaran koçberên Sûrî yên ku dixwestin derbazî Tirkîyê bibin girtine û ew şandine Îdlibê.

HRW da zanîn hin koçberên ku hewil dane di rêyên qaçax re Tirkîyê kevin, ji alîyê hêzên Tirk ve hatine birîndar kirin û kuştin.

Li gor sazîya mafên mirovan ya navneteweyî, hin Sûrîyên ku gihaştine Hatayê jî hatine dersînor kirin.

Neteweyên Yekbûyî (NY) dîyar dike ku jiber operasonên Sûrîye-Rûsya yên dijî serhildayên li Îdlibê 400,000 sîvîl ji neçarî ji wê herêmê derketine û tevlî 1,300,000 sîvîlên li ber sînorê Tirkîyê dijîn bûne.

Cîgirê Dîrektorê Bernameya Rêxistina HRW'ê Gerry Simpson da zanîn ku bi sed hezarên sîvîlên Sûrî li sînor asê mane û bi bombebaranên li Sûrîyê re rû bi rû mane.

Simpson bang li Yekîtîya Ewrupa (YE) kir ku Tirkîyê bo tevgerîna li gor hiqûqa koçberan hişyar bike

XS
SM
MD
LG