Lînkên eksesibilîtî

Breaking News

HSD Ser Banga NY'ê Hemî Operasyonên Xwe Radiwestîne


Hêzên Sûrîya Demokratîk (HSD) ragihand ku wan jiber belavbûna vîrusa korona hemî operasyonên xwe rawestandine.

Fermandarîya HSD’ê bi daxuyanîyeke nivîskî dîyar kir ku wan li ser banga Sekreterê Giştî yê Neteweyên Yekbûyî (NY) Antonio Guterres biryara rawestandina operasyonan daye.

HSD’ê bang li hemî hêzên din yên li Sûrîyê kir ku agirbestê ragihînin.

Antonio Guterres li New Yorkê dîyar kir ku divê herkes bala xwe bide ser têkoşîna dijî vîrusa korona.

‘’Çekan rawestînin, êrîşên bi topan bi dawî bikin, êrîşên esmanî bisekinînin.’’ Guterres gotibû.

Nûnerê Taybet yê Neteweyên Yekbûyî (NY) yê bo Sûrîyê Geir Pedersen jî jiber vîrusa korona banga agirbestê kir.

XS
SM
MD
LG