Ebu Bekir Bexdadî, xelîfeyê Dewleta Îslamê (DAIŞ) roja yekê ya cejna qurbanê peyamek tomarkirî bi rêya Telegramê ji aliyê ajansa nûçeyên DAIŞ'ê al Furqan di tora înternetê de weşand.
Di peyama ku tê gotin bi dengê Bexdadî hatiye tomar kirin, ew ji endamên DAIŞ'ê daxwaz dike ku cîhadê xurt bikin, lê hêjî çavkaniyên navnetewî piştrast nekirîye ew deng yê Bexdadî ye yan na.
DAIŞ, Hayat Tahîr al Şam û rêxistinên cîhadî û radîkal niha di çi rewşê de ne? Çima niha Bexdadî peyam belav dike?
Dr. Kemal Sîdo berpirsê ofîsa Rojhilata Navîn yê Komela Gelên Bin Gefê û pisporê rêxistinên Îslamî Îsmet Sîvereklî dîtinên xwe yên derbarê rewşa niha ya DAIŞ'ê anîn ziman.
