Lînkên eksesibilîtî

Barzanî Dibêje Hevkariya li Gel Îraqê Êdî Bidawî Hat


Serokê Herêma Kurdistana Îraqê Mesûd Barzanî dibêje dengdana li dor Referanduma serxwebûna Herêmê dê sibe Duşemê, wek ku hatibû pilankirin, birêve biçe, li gel wan fişarên nava Îraqê û her wiha herêmê.

Di konferanseka rojnamevanî de li Hewlêr a paytexa Herêma Kurdistanê, Barzanî îro Yekşemê got di demekê de ku dengdan dibe gava yekem a piroseyeka dirêj a guftûgoyan de li dor serxwebûnê, hevkariya Herêmê li gel hikûmeta navendî ya Îraqê li Bexda êdî gihîşte dawiyê.

Bexda, Amerîka û Neteweyên Yekgirtî, hemiyan dijberiya xwe bo dengdana Duşemê ragihand, û huşdarî da ku renge ne seqamgîriyek kûrtir derxe holê li herêmê di demekê de ku hêzên Kurd û Îraqê berdewam in di şerê dijî Daişê de.

Demekê berê îro Yekşemê, Îranê esmanê xwe li gel herêma Kurdistanê girt û geştên esmanî rawesdtandin, li ser daxwaza Bexdayê.

XS
SM
MD
LG