Gelek texên bajarê Kobanê ku tê da şerekî dirêj di navbera YPG û DAÎŞ qewimîbû, rastî wêranbûneke pir hatine,
Zîyana herî mezin li Taxa Botan a ku dikeve başûrê rojavayê Kobanê çêbûye, lê gelek welatî hîn di bin şertên zor û zehmet de, jî li wê taxê dijîn.
Hemwelatî nerazîbûna xwe tînin zimên ku xanîyên wan wêran in û heta niha alîkarî ji ti dewlet yan sazîyên mirovahî ji wan re nehatiye.
Helîme Mislim dibêje, bi hatina demsala zivistanê rewşa bajarê Kobanî gelek aloz dibe û welatî necar dimînin ku bi derfetên dest wan de, malên xwe serrast bikin û zarokên xwe ji serma biparêzin.
“Jiber kêmbûna pêdivîyên avakirinê, em neçar dimînin bi çadir û kîs û sacan ser xanîyên xwe bigirin.”
Mezlûm Alî jî bal dikşîne ser zehmetîyên heyî û bang li civaka navnetewî û sazîyên mirovahî dike ku ji wan re bibin alîkar.
Reşîd Ehmed jî jî dibêje, neyar ne tenê dijmin e, lê birçîbûn, wêranbûn û serma zivistanê jî dijminên pêş wan in.