Karbidestên Nîjeryayî ragihand ku di operasyoneke polîsan de 19 qîz û jin li bajarê Lagosê hatine rizgar kirin.
Karbidestan da zanîn ku qîz û jinên azadkirî ji alîyê toreke ve hatibûn revandin ku werin avis kirin û zarokên wan werin firotin.
Karbidestan got ku qîz û jinên revandî di navbera 15 û 28 salî ne û bi soza peydakirina kar ji her derê Nîjerya hatine anîn.
Di operasyonê de herwiha 4 jî pitik (bebek) hatine dîtin.
Karbidestên Nîjeryayî hefteya borî jî pirtir ji 300 kesên dîlgirtî li bajarê Kaduna ya bakurê welêt rizgar kiribûn ku piranîya wan jin û zarok bûn.