Îro 8'ê Adarê ye, Roja Cîhanî ya Jinan. Li seranser cîhanê, bi hezaran bername, şahî, rêdeçûn û panelan tên lidar xistin jibo nîşandana destketinên jinan yên aborî, sîyasî û civakî.
Roja Cîhanî ya Jinan cara yekê di 28’ê Sibata sala 1909 li Amerîkayê wek Roja Netewî ya Jinan hate destnîşan kirin.
Li gir pêzanên Banka Cîhanî:
- Herî kêm 40 ji sedê karmendên cîhanê jin in.
- Her ji sala 1980’ê vir ve, temenê jinan li seranser cîhanê li temenê mêran zêdetir e.
- Ne wekhevî ya perwerdeya destpêkî di navbera kur û keçan de li piranîya beşên cîhanê kêm dibe.
- Li hejmareke welatan, jin û bi taybet jinên hejar, heta di nav mala xwe de jî ne xwedî biryar û kontrol in.
- Kontrola zêdetir ya jêderên nav malê ji hêla jinan ve, dikare aborîya welatan pêşve bibe.
- Li Amerîkayê jibo rêzgirtin li kar û xebatên jinan, meha Adarê wek Meha Dîroka Jinan hatîye destnîşan kirin
Ev roj jibo banga bêtir mafên wekhevîyê jibo jinan derfetek e da ku ew û malbatên xwe karibin jîyaneke serketî derbas bikin.
***
