Kandîdê Demokrat ê hilbijartinên serokatiya Amerîka Bernie Sanders şeva borî di dengdana wîlayeta Nevada de biser ket û kete pêş hevrikên xwe yên demokrat li seranserî Amerîka.
Di demekê de ku Sanders serkeftina xwe ya doh Şemiyê pîroz kir, Joe Biden pileya duyem wergirt û Pete Buttigieg û Elizabeth Warren li şûn man.
Nevada sêyem wîlayet bû ku dengdana Demokratan lê dibe piştî wîlayetên Iowa û New Hampshire.
Piştî Nevada wê wîlayeta Karolîna Başûr deng bide û piştre jî roja Sêşemê 3 meha Adarê ku bi navê Super Teusday tê nasîn û jimareke wîlayet bi hev re dengên xwe didin.
Nevada yekem wîlayet bû ku tê de hevrengî ya xelkê heye û bangî tevna hevreng a seranserî Pêkhateyên Amerîka dike.
Sandersê 78 salî, ku sosyalîstekî democrat e, ji Nevada berê xwe da wîlayeta Texasê, ku wê jî şandeke berbiçav a dengderan heye di hilbijartinên Super Teusday de.
Sanders gotibû:
“Em xelkê xwe tînin cem hev, me koalisyoneka nifşên hevreng gihand hev, ku emê ne tenê Nevada bibin, lê belê li tevahiya welêt biser kevin.”