McGurk Serdana Meclîsa Sîvîl ya Reqa Kir

Nûnerê Taybet yê Têkoşîna li Dijî DAIŞ’ê yê Amerîka Brett McGurk, tevî şandeyeke ku ji karbidest û fermandarên payabilind pêk dihat, serdana endamên Meclîsa Sîvîl ya Reqa kir.

Endamên meclîsê û karbidestên Amerîkî, li qerargeha Meclîsa Sîvîl ya Reqa ya li Eyn Îsa kom bûn.

Nûnerên meclîsê dîyar kir ku bi şandeyên koalîsyonê re tim civînan li dar dixînin û ew dê hevdîtinên xwe bidomînin.

Di civînê de, statuya Reqa û mijarên başkrina peywendîyên bi gelê wî bajarî re hatin axaftin.

Yek ji endamên meclîsê Amed Sido, ji Dengê Amerîka re ragihand ku di civînê de mijara herî girîng rîskên leşkeri û rêbazên pûçkirina wan rîskan bûye.

Sido dîyar kir ku ew derbarê çareserîya kêşeya Surîyê axifîne û herwiha xizmetên rêvebirîyê ya piştî rizgarkirina Reqa jî wek mijara sereke hatîye axaftin.