Îro Sêşemê di seetên berbangê de şerek di navbera Asayîşa Rojavayê Kurdistanê û hêza çekdar ya Krîstîyanên alîgirên rêjîmê, bi navê Sotoro derket.
Di encama wî şerî de 2 çekdarên Krîstîyan hatin kuştin, 5 kesên din jî birîndar bûn.
Di bûyerê de herwiha 2 endamên Asayîşê jî birîndar ketin.
Li gor Asayîşê, sedema şer ew bû ku Sotoro dixwest rêbendên kontrolê li nav bajêr saz bike û wan jî rê li ber wê yekê girtîye.
Hêjayî gotinê ye ku 2 hêzên çekdar yên Kristîyanan li Qamişlo hene û her du jî bi yek navî ne: Sotoro. Ji wan yek alîgirê Asayîşê ye, ya din alîgirê hêzên ewlekarî yên rêjîma Esed e.