Sekreterê Giştî yê NATO'yê Jens Stoltenberg îro Înîyê ragihand ku karanîna çekên kîmyayî û navokî wê rewşa şerê li Ukrayna bi tevahî biguherîne û ew yek wê bi ti awayî neyê pejirandin.
Stoltenberg di serdana xwe ya hîndarîya 'Bersîva Sar' ya NATO'yê ya ku berî şerê li Ukrayna hatibû plan kirin li Norwêcê axifî û şerê Rûsya ya li Ukrayna wek "demeke giring ya zivirînê" bi nav kir.
Wî herwiha jiber ku Moskowê çavdêrîya hîndarîyê red kiriye, xemgînîya xwe anî ziman û got ku NATO her dem welatên din bo çavdêrîyê vedixwîne.
Hîndarîya leşkerî ya 'Bersîva Sar' ya NATO'yê li Norwêcê pêk tê û ji 27 welatan nêzî 30.000 leşker beşdar dibin.
Welatên wek Fînlandîya û Swêd yên ne endamên NATO'yê jî beşdar dibin.
R
Rehêna NATO'yê di 14'ê Adarê dest pê kir û wê di 1'ê Nîsanê de bi dawî be.
Hîndarîya 'Bersîva Sar' ya NATO'yê cara yekê di 2006'an de hat darxistin û her du salan carekê tê kirin.