Hikûmeta Sûrî vê dawîyê ragihand ku ew dê rê bide alîkarî derbasî deverên di bin destê serhildayan de bibin piştî ku mekanîzmaya Neteweyên Yekbûyî bidawî bû, ev yek bû sedema fikaran ji alîyê girûpên mirovî ve.
Ew li ser çarenivîsa niştecihên dawîn asêgehên opozîsyonê, li bakur û bakur-rojavayê Sûriyê, nîgeran in, piştî ku Encûmena Ewlekariyê roja Çarşemê têk çû ku mekanîzmayê dirêj bike.
Li gorî peymana sala 2014an, alîkarî bêyî destûra Şamê ji deriyê Bab El-Hawa ya bi Tirkiyê re ye derbas dibûn.
Lê bi dawîhatina mekanîzmaya Neteweyên Yekbûyî û herwiha biryara Sûriyê ya ji bo guhertina rêbaza gihandina alîkariyan bo wan deveran, bûye sedema tirs û pirsiyaran di nav civaka mirovî de.
Sûriyê got wê "biryareke serwerî" daye ku rê bide alîkarî di deriyê Bab el-Hawa re şeş mehan biherikin, ji roja Pêncşema borî ve.
Nêzîkî nîvê parêzgeha Idlibê û beşek ji parêzgehên cîran di bin kontrola Heyet Tehrîr el-Şam (HTŞ) de ye, ku ji hêla Şamê, Amerîka û Neteweyên Yekgirtî ve wekî komek terorîst tê dîtin.
Nêzîkî sê mîlyon kes, ku piraniya wan koçber bûne, li herêmên di bin kontrola HTŞ de dijîn, 1.1 mîlyon jî li herêmên di bin kontrola komên ku Tirkiyê piştgirî dide wan de ne.
NY mercên Şamê ji bo vekirina deriyê Bab El-Hawa wekî "naye qebûlkirin" bi nav kir.
Çend rêxistinên navdewletî ditirsin ku rêdana kontrolkirina Şamê li ser herikîna alîkariyan bo deverên di bin destê serhildêran de, bibe sedema sînordarkirina gihîştina kesên herî hewcedar.
Serokê Sûriyê Beşar El-Esed bi berdewamî gotiye ku ew bi biryar e kontrola wan deveran ji nû ve bi dest bixe.
Endamên Encûmena Ewlekariyê û rêxistinên din li ser vegera danûstandinan kar dikin.
Balyozê Swîsreyê li saziya cîhanî got ku dîplomat "dê tavilê vegerin ser karê xwe da ku çareseriyekê bibînin".
Lêkolînera Human Rights Watch li ser Sûriyê, Hîba Zeyadîn, ji endamên Encûmena Ewlekariyê xwest ku "vegerin ser maseya danûstandinan û bigihin lihevkirinekê ku mafên Sûriyan li pêşiyê bigire".
Çavkanî: AFP
