Bi hezaran piştevanêt hikûmetê li Sûrîye bo demê du rojan xwepêşadana li bajarêt serekî dikin dijî biryara Komkara Welatêt Erebî bo ragirtina endametiya Sûrîye ji ber berdewamiya tepeserkirina xwepêşadanêt dijî hikûmetê.
Têlevizyona dewletê ya Sûrî hindek wêneyêt xwepêşadana belav kirin ku li Dîmeşqê,Helebê û bajarêt dî roja Yekşembî hatine kirin. Gelek xwepêşandera alayê Sûrî û wêneyêt Serokê Sûrî Beşar El-Esed bilind kiribûn.
Roja Şembî Komkara Welatêt Erebî bi dengdanê hevbîr bûn li ser ragirtina endamiya Sûrîye.
Her li ser biryara Komkara Welatêt Erebî û aloziyan li Sûrîyê hevkar Xelefê Zêbarî hevpeyvînek ligel çalakvan Dr. Sededîn Mulle kiriye.