Lînkên eksesibilîtî

Breaking News

Serokwezîrê Tirkîyê Dibêje Ewê Jiber HDP'ê di Referandumê de Bêje ''Erê''


Serokwezîrê Tirkîyê, li meclîsê ser referandumê diaxive.

Tirkîye meha di Nîsanê de li ser guherandina hin xalên qanûna bingehîn diçe referandumê. Serekwezîrê Tirkîyê Bînalî Yildirim do Yekşemê dîyar kir ku ew dê li dijî Partîya Demokratîk ya Gelan (HDP) di referandumê de bêjin ''erê''

''Em çima dibêjin 'erê'? Partîya Karkerên Kurdistan (PKK), Rêxistina Terorî ya Fetullah Gulen (FETÖ) û HDP dibêjin 'na' loma em dibêjin 'erê'' Yildirim got.

Li ser vê gotina Yildirim, parlementerên HDP'ê ji Twitter'ê bersîv nivîsandin.

''Hela li vê mantiqê binêrin, serokwezîr gotiye ''Jiber ku HDP dibêje 'na' em dibêjin 'erê', lê ku HDP berovajî vê yêkê bêje, tuyê bêjî 'na'?'' nivîsî parlementerê HDPê yê Mêrdînê Alî Atalan.

Hêjayî bîrxistinê ye ku li parlemana Tirkîyê çar partî hene. Partîya Dad û Pêşvebirinê (AKP) û Partîya Tevgere Neteweperwer (MHP) dan zanîn ku ewê di referandumê bêjin ''erê''. Partîya Gel ya Komarî (CHP) û HDP jî eşkere kirin ku dengê wan li ser ''na'' ye.



XS
SM
MD
LG