Lînkên eksesibilîtî

Breaking News

Donald Trump: Emê di Demeke Nêzîk de li gel Talîbanê Kom Bibin


President Trump Coronavirus

Serokê Amerîka Donald Trump di konferanseke rojnamevanî de li Koşka Spî ragihand ku rêkeftina aştiyê ya îro Şemiyê li Dewha ya paytexta Qeterê di navbera Amerîka û Talîbanê de hatibû îmzekirin ”dawî li şerekî dûr û dirêj tîne”.

Trump dupat kir ku eger pêwîst be wê Amerîka bi tundî vegere.

Axaftinên Trump tên çend demjimêran ji ragihandina rêkeftina dîrokî ya di navbera Amerîka û tevgera Talîbanê de.

Wî got “em serkeftî bûn di dawîanîna terorê de li Afghanistanê û niha dem hatiye ku hêzên me vegerin.”

Serokê Amerîka pîrozbahiya xelkê Afghanistanê kir û nîşan bi rola hevpeymanên NATO da ku alîkarbûn di gihîştina vê encamê de.

Serok her wiha got ewê di demeke nêzîk de li gel rêberên tevgera Talîbanê kom bibe û hêvî kir ku Talîban mercên rêkeftinê pêk bîne.

XS
SM
MD
LG