Serokê Amerîka Donald Trump îro Duşemê got ku jibo wî dijwartir dibe ku ew bi Îranê re rêketinekê çêke û rewş bi hêsanî dikare ber bi xirabûna ve here.
Trump ew şîroveyên xwe li Qesira Sipî ji nûçegîhanan re got, di vê demê de ku girjîya navbera Îranê û welatên Rojava kûrtir bûye.
Îranê demeke zûtir ya îro îdia kiribû ku hêzên wê 17 sîxûrên Amerîkî desteser kirine û hinek ji wan bi cezayê mirinê mehkûm kirine.
Daxuyanîya Îranê bi berdewamî gotibû ku sixûrên Amerîkî sala borî hatine girtin û wan ji CIA re pêzanînên hesas yên derbarê kargehên navokî û navendên leşkerî kom dikirin.
Hêjayî bîrxistinê ye ku Trump ji peymana navokî ya navnetewî ya ligel Îranê vekişîbû û biryara jinûve anîna toleyên dijî Îranê dabû.
Trump di demên dawî de, li ser peymana navokî û kêşeyên din yên ewlehî, bi eşkereyî qala danûstandinên bi Îranê re dikir, Tehranê digot heta ku tole ranebin, danûstandin jî pêk nayên.