Lînkên eksesibilîtî

Breaking News

Trump Biryarnameya Ser Polîsan Îmza Kir


Serokê Amerîka Donald Trump biryara ser reforma polîsan îmza kir.

Donald Trump di merasîma îmzayê de dijî qutkirina budçeya polîsan derket û got ku ‘’Ger polîs nebe wê anarşî çênebe.’’

‘’Amerîkî qanûn û dîsîplînê dixwazin. Ger polîs nebe wê kêşe û anarşî çêbin. Ger ewlekarî nebe ewê xirabî çêbe’’ Trump got.

Wî da zanîn ku ew dixwazin ku ew dixwazin standartên navendên polîsan bilindtir bin û girjîyê jî kêmtir be û dîyar kir ku ew ne armancên dijî hevdu ne.

Serokê Amerîka bi bîr xist ku Civata Senatoran ser bernivîseke bo reforma polîsan dixebite û da zanîn ku ew hazir ku bi Kongresê re ser heman mijarê bixebitin.

Li gor biryarnameya ku Trump îmza kiriye,

- Polîsên ku hêza tund karanîne dê li ser sîstema federal werin qeyd kirin û ew agahî dê werin parvekirin

- Heta ku bo jîyana polîs metirsî çênebe dê desteserkirina bi zexta li ser stû qedexe be

- Bo perwerdekirina polîsan ya ser karanîna hêz û kêmkirina girjîya dê pirtir Wezareta Dadê budçeyê bide

- Di desteserkirinên bê tundûtûjî de, dema bêmal û hişbirhez tên desteser kirin dê xêncî polîsan xebatkarên din yên sîvîl jî hebin.

Wezîrê Dadê William Barr, Serokê Piranîya Komarî ya li Civata Senatoran Mitch McConnel û hin endamên din yên Kongresî beşdarî merasîma îmzayê bûn.

XS
SM
MD
LG