Koreya Bakur ragihand ku muşeka balîstîk ya dawî digihêje temamê Amerîka.
Serokê Amerîka Donald Trump, bi rêka telefonê bi serokên Koreya Bakur û Japonya re axifî.
Serokwezîrê Japonya Şinzo Abe di axaftina bi Trump re dîyar kir ku divê ew zexta li ser Koreya Bakur zêdetir bikin.
Serokê Koreya Başûr Mum Jae-in ser muşeka dawî ya Koreya Bakur da zanîn ku dibe ku ‘’êdî ew bikevin nav qonaxeke ku jê veger tune’’. Mun dîyar kir ku ceribandina dawî ya Koreya Bakur provokasyon e û jibo hemî cîhanê gef e.
Wezareta Berevanî ya Amerîka ragihand ku muşeka Koreya Bakur bo welatê wan û hevalbendên wan ti gef çênekiriye û lê ji alîyê bilindîya firînê û menzîlê ve, Koreya Bakur pêşde çûye.
Pyongyangê dîyar kiribû ku muşeka dawî, di 53 deqîqe de 950 kîlometre rê çûye.