Serokê Amerîka Donald Trump û yek ji karbidestên payabilind yên Talîbanê Mele Abdulganî Berader bi rêka telefonê axifîn.
Donald Trump û Berader ser peymana aştîyê ya li Doha ya Qatarê hatibû îmzakirin danûstandin kirin.
Li ser pirsên rojnamevanan, Trump li Qesirê Sipî derbarê wê axaftinê got ku ‘’Me li ser nexwestina tundûtûjîyî li hev kir, ka em binêrin çi diqewime.’’
Wî da zanîn ku axaftina bi karbidestê Talîbanê re pir baş derbaz bûye.
Talîbanê jî ragihand ku Trump û Berader pirtir ji nîv saetekê peyivîne.
Berader, ku yek ji avakarên Talîbanê ye, serokê ofîsa sîyasî ya wê rêxistinê ye.
Hikûmeta Afganistanê dide zanîn ku piştî agirbesta demkî ya bi Talîbanê re roja Duşemê bi dawî bûye pirtir ji 20 kes hatine kuştin.