Tirkiyê xwe amade dike bo hilbijartinên giştî di roja Yekşemê, 24 Hizêranê de. Pişbirk di nav berbijêran gûrer bûye û li her bajarên Tirkiyê çalakî û xebat li dar ketine bo hilbijratinê.
Çav li ser encamê vê hilbijartinê ye, ka wê çi guherên bi xwe re bîne, ji aliyê siyaseta hundrîn ya Tirkiyê û ya derve, kêşaya penaberên Sûrî û pirsgirêka Kurdî li Tirkiyê û Sûriyê.
Dengê Amerîka hevpeyvînek bi şîrovekar û nivîskarê siyasî Şiyar Îsa re kir, di derbarî van mijaran de û ka wê bandora hilbijartinê li rewşa Sûriyê çawa be?
Nivîskar Şiyar dibêje: "Encam bi çi rengî bin, wê baş bin ji siyaseta Tirkiyê re, ku ji aliyekî ve dengê rikeberiya siyasî diyar û bilind dibe û ya din jî zefta partiya AKP li ser desthilatê sist dibe."
