Civata Ewlekariya Neteweyên Yekgirtî îro Şemiyê kombûneka awarte li dar xist li dor êrîşa Amerîka, Brêtanya û Frensa ya li ser sê bingehên çekên kîmawî yên Sûrî.
Balyozê Rûsya li Neteweyên Yekgirtî Vasily Nebenzya di axaftina xwe de êrîşa dijî hikûmeta Sûriyê şermezar kir û got ew gefê dide ser proseya çareseriya siyasî ya şerê Sûriyê ku Neteweyên Yekgirtî hewil dide encam bide.
Balyoza Amerîka Nikki Haley ji civata ewlekariyê re got:
"Eger serokê Sûriyê careka din çekên kîmawî bikar bîne wê demê Amerîka di amadebaşiyê de ku bersivê bide."
Wê got:
“Em piştrastin ku me programa çekên kîmawî ya Sûriyê pûç kir. Em amade ne vê fişarê berdewamkin eger rêjîma Sûrî bêhiş be ta radeya ku vîna me têst bike.”
Nêrîna Te
Şîroveyan nîşan bide