Karbidesteke payebilind ya Rêxistina Saxlemî ya Cîhanê (WHO) îro Sêşemê got ku ger pêngavên demûdest neyên avêtin şerê li Sudanê dikare bibe sedema mirinên bê hejmar jiber ku birçîbûn û nexweşî li wî welatî belav dibin û xebatkarên alîkarîyê nikarin xwe bigihînin merivên hewcedar.
Rêvebira herêmî ya WHO, Hanan Balkhy li Qahîreyê got ku zarok û dayikên ku xwarin nakeve destê wan, jiber tunebpûna xizmetên saxlemîyê dimirin û kolera li gelek deverên welêt belav dibe û xebatkarên alîkarîyê bi dijwarîyên mezin re rûbirû dimînin.
Balkhy hişyarî da ku ger destwerdaneke lezgîn çênebe, pir gelek kes jber birçîbûn û nexweşîyan wê jîyanên xwe ji dest bidin.
Di çerê ku nêzî 18 meh in didome bûye sedema krîza herî mezin ya derbiderîya navxweyî ya cîhanê û pirtit ji 25 mîlyon kes anku nîvê nifûsa Sudanê bi lezûbezî hewceyî xwarin û xizmetên saxlemîyê ne.
Reuters bal dikşîne ku bi deh hezaran kuştî hene, lê hejmara piştraskirî ne dîyar in jiber ku kontrola Sudanê di navbera artêş û Hêzên Piştgirîya Lezgîn (RSF) ya hevrik de dabeşkirî ye û sazîyên saxlemîyê jî hilweşîyane.
Richard Brennan, rêvebirê awarte yê herêmî yê WHO got ku îsal li nîvê 18 eyaletên Sudanê zêdetirî 20 hezar bûyerên kolerayê hatine dîtin û nexweşîya vê carê ji ya sala borî zûtir belav dibe.
Brennan da zanîn ku li ber e vê hefteyê bizaveke vaksînkirina devkî destpê bike û pêşî 1.4 mîlyon doz, dûre jî 2.2 mîlyon dozên din ji nexweşan re werin dayîn.
Jêder: Reuters