Komîsyona Yekîtîya Ewrupa (YE) ser sistkirina sînordarkirinên rêwîtîyê bernivîsek hazir kir.
Bi bernivîsa nû, rê li ber kesên vaksîn li xwe dane vedibe ku ew bê test û karantîna ji welatekî YE’ê herin welatekî din yê yekîtîyê.
Welatên YE’ê di serê Gulanê de bo sertîfîkayên COVID-19 li hev kiribûn.
Di sertîfîkayê de agahîyên ser karanîna vaksînê, rewişa saxlemîyê ya piştî nexweşîyê û encama testê dê cîh bigirin.
Bi bernivîsa Komîsyona YE’ê tê xwestin ku kesên heta 14 rojan berî rêwîtîyê her du dozên vaksînê li xwe dane, bê test û karantîna tevbigerin.
Li welatên YE’ê heta niha bi qasî nîvê welatîyan doza pêşî ya vaksînê li xwe dane.
Di bernivîsê de bo kesên bi vîrusa korona ketine û rind bûne jî tê xwestin ku ew bi qasî 180 rojan neyên sînordarkirin.
Komîsyona YE’ê bi bernivîsê dixwaze ku li cîhên pêketina vîrusa korona jinûve zêde dibe sistkirin werin rakirin û berpirsîyên rêwîyan werin berfireh kirin.