Berpirsên ewlekariya Yemenê dibêjin topbarana serhildêrên Hosî li parêzgehên Hodeida û Taiz herî kêm 13 sivîl kuştin ku di nav de jin û zarok jî hebûn.
Berpirsan roja Şemiyê got êrîşan di 24 demjimêrên borî de herî kêm 11 kes li bajarê Hodeida kuştin ku jê 6 kes ji malbatekê bûn.
Ew dibêjin du zarokên din derengî roja înê li navçeya Salih a parêzgeha Taiz hatin kuştin.
Berpirsan nexwest navên xwe diyar bikin ji ber ku wan desthilata axaftina li gel medya nebû.
Şerê Yemenê, ku tê de serhildêrên Hosî bi piştgiriya Îranê û hikûmeta ku civaka navnetewî pênasînê pê dike, li dijî hev in, bûye sedema kuştina dehan hezar kes û jiyana milyonan kes rastî birçbûnê kiriye.