Lînkên eksesibilîtî

Breaking News

Mîkaîl Bilbil: Mebesta Me Avakirina Xebatek Netewî û Akademîk ji Zimanê Kurdî Re


Ji ber hezkirina zimanê kurdî û xemxuriya wê, hin xebatên komî li dar dikivin ji bo geşkirina zimanê kurdî û peydakirina şêwazên akademî, da ku bibin rêbazên bengehînî ji zimanekî netewî re.

Ji nav van xebatên bê hempa, xebatên Weqfa Mezopotamyayê ye, ku ji sala 2013'an ve dest bi xebatên xwe kirye, û di sala 2018'an de xebatên xwe bi fermî eşkere kir û berhemên xwe bi xelkê re par vekir.

Piraniya xebatên vê weqfê li ser zimanê kurdî/ Kurmancî ye û rêzimaniya wê , her wisa jî li ser jêderên zimanê kurdî xebatê dike, ku nuha kovareke 3 mehane derdixîne bi navê "Folklora me" , ji bo roniyê bide ser folklora kurdî û şêwazekî akademîk

Ev Weqfa ji jimarek pispor û zimanzanan pêk tê, yek ji wan kesên ku li ser xebatên vê weqfê kar dike, Dr. Mîkaîl Bilbil e.

Mîkaîl Bilbil, di sala 1978'an de li gundê Cirnikê li Qoserê/ Mêrdîn ji dayik bûye.

Li Zanîngeha Çukurovayê Beşê Mamostetiya hêla Felsefeyê qedandîye. Mastera xwe li Zanîngeha Artuklu ya Mêrdînê kiriye.

Di sala 2002'an de li gel 12 kesan bi hinceta xebatên li ser zimanê kurdî hatiye desteserkirin û di encamê de demekê li Girtîgeha Mêrdînê zindanî bûye.

Ji sala 2012'an ve bûye mamostayê rêzimana kurmancî di beşê Ziman û Çanda Kurdî ya Zanîngeha Artuklu ya Mêrdînê de.

Berhemên wî:

Rêzimana Kurmancî, Li gel Bahoz Baran, Weşanên Enstituya Kurdî ya Amedê, 2008

Kürtçe Anamnez/Anamneza bi Kurmancî, Bi navê Mikail Bülbül li gel İsrafil Bülbül, Weşanên Jûra Bijîşkan a Amedê, 2009

30 Günde Kolay Kürtçe (Kurdîya Hêsan Bi Maweya 30 Rojan), Li gel Ramazan Pertev û Çetin Taş, Weşanên Fono, Stenbol, 2015

Tirkî-Kurdî Ferhenga Standart, Li gel Ramazan Pertev, Çetin Taş, Ruken Çalıştıran û Bünyamin Demir, Weşanên Fono, Stenbol, 2015

Tirkî-Kurdî Ferhenga Bêrikê, Li gel Ramazan Pertev, Weşanên Fono, İstanbul, 2015

Helbesta Cegerxwîn û Îqtîdar, Weşanên Lîs, 2016

please wait

No media source currently available

0:00 0:18:33 0:00

XS
SM
MD
LG