<?xml version="1.0" encoding="UTF-8"?><rss version="2.0" xmlns:atom="http://www.w3.org/2005/Atom">     
    <channel>      
        <title>Sûrîye - Voice of America</title>     
        <link>https://www.dengeamerika.com/z/2228</link>
        <description>Beşê Kurdî yê Dengê Amerîka raport û nûçeyên hevreng li dor rûdanên Sûriyê hene. Beşê Kurdî Peyamnêr li bajarên Qamişlo, Kobanî û Efrînê hene.</description>
        <image>
            <url>https://www.dengeamerika.com/Content/responsive/VOA/kr-Latn/img/logo.png</url>
            <title>Sûrîye - Voice of America</title>
            <link>https://www.dengeamerika.com/z/2228</link>
        </image>
        <language>ku</language>
        <copyright>2026 - VOA</copyright>   
        <ttl>60</ttl>        
        <lastBuildDate>Mon, 16 Nov 2026 21:45:24 +0300</lastBuildDate> 
        <generator>Pangea CMS – VOA</generator>        
        <atom:link href="https://www.dengeamerika.com/api/z-ptmev-t_" rel="self" type="application/rss+xml" />
    		<item>
            <title>Yekîtîya Ewropî Dibêje ew Dixwaze Piştgirîyê Bide Sûrîyê</title>
            <description>Kaya Kallas, Nûnera Bilind a Yekîtîya Ewropayê ji bo Karûbarên Derve û Siyaseta Ewlehîyê û Cîgira Serokê Komîsyona Ewropayê got ku Sûrîya ji bo misogerkirina seqamgîrîyê hewceyê piştgirîya lezgîn a Ewropayê ye.
Kallas, berî ku behsa rewşa şerê li Ukrayna û hewildanên danûstandinên bi Ukrayna û Rûsyayê re ji bo rawestandina şer bike, ragihand ku wezîrên derve yên Yekîtîya Ewrupayê dê îro Duşemê 16&apos;ê Mijdarê 2026&apos;an, li Brukselê li ser xurtkirina têkilîyên bi Sûrîyê û welatên rojhilata navîn re bi giştî gotûbêjan bikin.
Wê di dema axiftina xwe ya ku di hesaba X&apos;ê de weşand, diyar kir ku Sûrîya ji bo avakirina sazîyên xwe û pêkanîna reforman hewceyî weberhênanên mezin e.
Herwiha got ku Ewropa dixwaze penaberên Sûrîyê vegerînin welatê wan, lê ji bo vê yekê divê şert û mercên guncaw hebin.
Li gorî belgeyeke Yekîtîya Ewropayê ku bidest Reuters ketîye, Bruksel dixwaze têkilîyên xwe bi Şamê re berfirehtir bike. Di nav pêşnîyazan de reformkirina sektora ewlehîyê, weberhênan û vejandina peymaneke bazirganî hene.
Herwiha Yekîtîya Ewropayê dixwaze hevkarîya xwe bi Sûrîyê re di warên veguhastinê, enerjîyê û girêdana dîjîtal de pêş bixe.
Li gorî belgeyê, di 17&apos;ê Mijdarê de dê li Şamê foruma kordînasyonê ya bi serkêşîya Yekîtîya Ewropayê were lidarxistin. Ev forum dê li ser weberhênan û beşdarîya sektora taybet raweste û dikare bibe rê xweşkirinek ji bo konferanseke weberhênanê ya hevbeş di sala 2027&apos;an de.
Yekîtîya Ewropayê ji bo salên 2026 û 2027&apos;an jî 620 milyon Euro ji bo piştgirîya Sûrîyê veqetandiye.
Piştî ku berî du salan rejîma Beşar Esed hat rûxandin, Amerîka û Ewropa dixwazin piştgîrîyê bidin hikûmeta demkî ya Sûrîyê ji bo ku aramî vegere wî welatî yê ku şerê navxweyî bûbû sedema wêrankirin û koçberbûn û debiderbûna bi milyonan û mirina bi deh hezaran kes.
</description>
            <link>https://www.dengeamerika.com/a/eu-suriye/8224155.html</link> 
            <guid>https://www.dengeamerika.com/a/eu-suriye/8224155.html</guid>            
            <pubDate>Mon, 16 Nov 2026 16:42:37 +0300</pubDate>
            <category>Sûrîye</category><category>Rojhilata Navîn</category><category>Serekî</category><enclosure url="https://gdb.voanews.com/67bb1f68-24c9-480d-9177-fdea1c3c4a29_cx0_cy6_cw0_w800_h450.jpg" length="0" type="image/jpeg"/>
        </item>		
        <item>
            <title>Nêçîrvan Barzanî li Tirkîyê Beşdarî Konferansa COP31&apos;ê Bû</title>
            <description>Konferansa Avûhewayê ya Neteweyên Yekbûyî (COP31) ya li Antalya ya li bakurê rojavayê Tirkîyê li dar dikeve îro Çarşemê dest bi hilcivîna rêberan kir. 
Tirkîye û Australîa îsal hevseroktîya konferansê dikin.

Serokê Herêma Kurdistana Îraqê Nêçîrvan Barzanî jî beşdarî li COP31’ê kir.

Do Sêşemê, Seroktîya Herêma Kurdistana Îraqê ragihandibû ku Barzanî bi vexwendineke fermî ya Erdogan diçe Antalya.
Li gor daxuyanîya seroktîya herêmê, Barzanî îro bi Guterres re civîya.

Daxuyanî dîyar dike ku Barzanî û Guterres ser danûstandinên Hewlêr û Bexda peyivîne.

Di daxuyanîyê de tê gotin ku Barzanî û Guterres ser alozîyên dawî yên li herêmê jî axifîne û her du alîyan ser girîngîya parastina aramîya herêmê li hev kirine.

Barzanî bi Serokomarê Sûrîyê Ehmed Şeri&apos; û bi alîkarê serokomarê Tirkîyê Cevdet Yilmaz ra jî civîya.   
Serokomarê Tirkîyê Recep Tayyîp Erdogan pêşwazîya rêberên cîhanê kir û berî konferansê tevî rêberan wêne girt.

Erdogan jî di axaftina xwe de got ku divê di têkoşana guherîna avûhewayê de welatên pêşveçûyî bo budçeyê zêdetir berpirsîyan bigirin ser milên xwe. 
Ajansa Anadolu ya Tirkîyê radigihîne ku 102 serkirde ji 95 welatan beşarîyê li konferansa li Antalya dikin. 
</description>
            <link>https://www.dengeamerika.com/a/barzani-turkey-cop31/8221460.html</link> 
            <guid>https://www.dengeamerika.com/a/barzani-turkey-cop31/8221460.html</guid>            
            <pubDate>Wed, 11 Nov 2026 19:28:55 +0300</pubDate>
            <category>Sûrîye</category><category>Serekî</category><enclosure url="https://gdb.voanews.com/3a0d8c5b-8fa3-49b9-9158-9f91f2f44ce0_cx0_cy10_cw0_w800_h450.jpg" length="0" type="image/jpeg"/>
        </item>		
        <item>
            <title>UNHCR: 1.8 Milyon Penaberên Sûrîyê Vegerîyane Welatê Xwe</title>
            <description>Komîserîya Bilind a Neteweyên Yekbûyî ji bo Penaberan (UNHCR) roja Çarşemê piştrast kir ku ji destpêka sala 2024-an ve 1.8 milyon penaberên Sûrîyê û zêdetirî 2 milyon kesên koçberên navxweyî vegerîne mal û cihên xwe li Sûrîyê.
UNHCR&apos;ê li ser platforma X&apos;ê diyar kir ku bi hevkarên xwe re piştgirî didomîne ji bo wan kesan ku dixwazin vegerin welatê xwe. Lê di heman demê de bal kişand ser wê yekê ku pêdivîyên vegerê gelekî mezin in û ew tenê bi gihîştina ser malên xwe bi dawî nayên.
Li gorî UNHCR, piştgirîya vegerê pêwîstî bi weberhênanên berdewam heye di qada xizmetan, xanî û wargehê, derfetên jiyanê û karî, û herwiha civakên ku veger lê bicih dibin.
UNHCR&apos;ê destnîşan kir ku dabînkirina şert û mercên guncav ji bo vegerîyayan ji bo aramî, seqamgîrî û ji nûavakirina civakên Sûrîyê girîng e.
Li gorî agahdarîyên ku ji alîyê World Vision ve hatine weşandin, zêdetirî 15 salên pevçûn, koçberî, kêmbûna aborî û pevçoûnên dûbare Sûrîyê kirine yek ji mezintirîn û dirêjtirîn qeyranên mirovahî yên cîhanê. Her çend guhertinên siyasî yên dawîya sala 2024&apos;an de bûne sedema zêdebûna hejmara Sûrîyan ku vegerîne welatê xwe, lê hewcedariyên mirovahî hîn jî pir mezin in.
World Vision dibêje, di sala 2026&apos;an de tê texmînkirin ku 16.5 milyon kes li seranserê Sûrîyê hewceyê alîkarîya mirovahî ne, ku ji wan nêzîkî 7.5 milyon zarok in. Herwiha, bi milyonan kes hîn jî di hindirê welatê xwe de derbider dimînin, û bi milyonên din jî wek penaber li welatên cîran û herêmên din ên cîhanê dijîn.
</description>
            <link>https://www.dengeamerika.com/a/sriya-unhcr-refugees/8221418.html</link> 
            <guid>https://www.dengeamerika.com/a/sriya-unhcr-refugees/8221418.html</guid>            
            <pubDate>Wed, 11 Nov 2026 18:28:37 +0300</pubDate>
            <category>Sûrîye</category><category>Serekî</category><enclosure url="https://gdb.voanews.com/fadd6573-f74a-49b1-8adb-fb5b423721ad_w800_h450.jpg" length="0" type="image/jpeg"/>
        </item>		
        <item>
            <title>Sûrîye Raportên li ser Şandina Hêzan bo Yemenê Red Dike </title>
            <description>Çavkanîyeke dîplomatîk a Sûrî ji ajansa nûçeyan a fermî ya SANA&apos;yê ragihand ku ti planên Sûrîyê ji bo şandina hêzên leşkerî bo Yemenê tune ne, û nûçeyên li ser egera şandina hêzan nerast in.
Çavkanîyê çarçoveya hevkarîya leşkerî ya bi Erebistana Siûdî re diyar kir ku niha hevkarî bi tenê li ser rahênankirina hêzên Sûrîyê, pêşxistina şiyanên wan û vepguhartina pisporîya leşkerî ye.
Çavkaniyê Sûrî herwiha da zanîn ku biryar e şandeke karbidestên Siûdî di meha bê de serdana Sûrîyê bikin, û da zanîn ku dibe ev havkarî pêşbikeve bo rêkeftineke berevanîya hevbeş.
Ev daxuyanî di demekê de tê, piştî çend karbidestên Yemenê ji ajansa AFP re gotibû ku bi hezaran hêzên leşkerî yên Sûrîyê dê li Erebistana Siûdî û Yemenê bêne bicihkirin, ku hin ji wan ji niha ve li qadên şer dimînin.
Berpirsên Yemenê herwiha got ku ev pêşhat di demekê de ye ku Erebistana Siûdî hewl dide alîkarîya navneteweyî kom bike da ku pêşveçûna Hûsîyan rawestîne û piştgirîya hikûmeta li Edenê xurt bike.
</description>
            <link>https://www.dengeamerika.com/a/syria-yemen-troops-/8220043.html</link> 
            <guid>https://www.dengeamerika.com/a/syria-yemen-troops-/8220043.html</guid>            
            <pubDate>Sat, 07 Nov 2026 20:47:50 +0300</pubDate>
            <category>Sûrîye</category><category>Serekî</category><author> voadigital@voanews.com (Dengê Amerîka)</author><enclosure url="https://gdb.voanews.com/a86e4d19-7398-471a-8f26-aea81f68bd06_w800_h450.jpg" length="0" type="image/jpeg"/>
        </item>		
        <item>
            <title>Siûdî û Sûriyê Peymaneke Hevkarîya Berevanî Îmze Dikin</title>
            <description>Erebistana Siûdî û Sûrîyê do Çarşemê li Riyadê peymaneke hevkarîya di navbera wezaretên berevanîyê yên her du welatan de îmze kir. 
Mîrê Cîgir yê Erebistana Siûdî Mihemed bin Selman û Serokê demkî yê Sûrîyê Ehmed El-Şeri&apos; serpereştîya îmzekirina vê peymanê kir, piştî civîneke gotûbêjan ku li paytexta Siûdîyê hat lidarxistin.
Her du alîyan li ser pêşveçûnên dawî yên herêmê û encamên giran ên her cure zêdebûna leşkerî li ser ewlekarî û aramîya herêmî û navneteweyî, ewlehîya tevgera deryayî ya navneteweyî, domandina dabînkirina enerjîyê û aramîya aboriya cîhanê gotûbêj kirin.
Bin Selman û Şeri’ li ser girîngîya zêdekirina hewildanên herêmî û navneteweyî yên armanca wan kêmkirina tengezarîyan, kontrolkirina krîzan, pêşxistina zimanê diyalog û dîplomatîk û çareserkirina nakokîyan bi rêyên aştîyane nîqaş kirin.
Ji bilî peymana leşkerî, her du rêberan herwiha serpereştîya îmzakirina hejmareke peyman û rêkeftinên têgihiştinan kir, di warên pêşvebirin, binesazîya bingehîn, enerjî, jêrxanîsazî, tenduristî, pîşesazî, çandinî, jîngehî, û xizmetên darayî de.
Ji dema ku rejîma berê ya Beşar el-Esed di sala 2024&apos;an de hilweşîya, Erebistana Siûdî yek ji piştgirên herî bihêz ên hikûmeta el-Şeri&apos; e.
</description>
            <link>https://www.dengeamerika.com/a/syria-saudi-security/8219239.html</link> 
            <guid>https://www.dengeamerika.com/a/syria-saudi-security/8219239.html</guid>            
            <pubDate>Thu, 05 Nov 2026 17:11:05 +0300</pubDate>
            <category>Sûrîye</category><category>Rojhilata Navîn</category><category>Serekî</category><enclosure url="https://gdb.voanews.com/7a125161-2a89-47be-7b7c-08df13bedfec_cx8_cy1_cw85_w800_h450.jpg" length="0" type="image/jpeg"/>
        </item>		
        <item>
            <title>Sûrîye Dibêje Ew Endamtîya Peymana Mekkeyê li Ber Çavan Digire</title>
            <description>Wezîrê Derve yê Sûrîyê Es&apos;ed Şeybanî îro Şemîyê got ku welatê wî li ber çavan digire ka gelo tevlî hevpeymanîya berevanîya Mekkeyê ya Tirkiye, Erebistana Siûdî û Pakistanê bibe.
Erebistana Siûdî, ku rastî êrîşên Hûsîyên Yemenê tê, piştgireke sereke ya hikûmeta Sûrîye ye ku piştî hilweşîna rejîma serokê berê Beşar Esed di dawîya 2024&apos;an de hat ser desthilatê.
Şeybanî di konferansa Diyaloga Manamayê de li Behreynê got, &quot;Niha nîqaş ji bo nirxandina tevlêbûna Sûrîyê di hevpeymaniya Mekkeyê de didomin.&quot;
Di Tebaxê de, Erebistana Siûdî, Pakistan û Tirkîyê li Mekkeyê peymaneke berevanîyê îmze kir ku dibêje her êrîşek li ser yekî ji van welatan wekî êrîşek li ser her sêyan tê hejmartin.
Lê tevî vê yekê, Pakistan û Tirkîyê ti êrîş li ser Hûsîyên ku ji hêla Îranê ve têne piştgirîkirin, ranegihandine.
</description>
            <link>https://www.dengeamerika.com/a/syria-mecca-pact/8217227.html</link> 
            <guid>https://www.dengeamerika.com/a/syria-mecca-pact/8217227.html</guid>            
            <pubDate>Sat, 31 Oct 2026 15:40:18 +0300</pubDate>
            <category>Sûrîye</category><category>Rojhilata Navîn</category><category>Serekî</category><author> voadigital@voanews.com (Dengê Amerîka)</author><enclosure url="https://gdb.voanews.com/54be6f8c-c0fb-448f-9a42-ce2e6c505f74_w800_h450.jpg" length="0" type="image/jpeg"/>
        </item>		
        <item>
            <title>Çima Opozîsyona Kurdî li Hember Hikûmeta Demkî ya Sûrîyê Nîne?</title>
            <description>Kobanî — Piştî hilweşîna rejîma Esed û damezrandina hikûmeta demkî bi serokatîya Ehmed Şer‘i, nebûna opozîsyoneke Kurdî ya yekgirtî li hember hikûmeta nû bala çavdêran dikişîne.
Hin siyasetmedarên Kurd dibêjin ku piştî 15 salên şer û alozîyan, tirs ji domandina krîzê û lawazbûna bawerîyê bi pêvajoya siyasî re bûne sedem ku partîyên Kurd helwesteke rawestayî bigirin.
Horan Hem, ji Partîya Naverast a Kurdî, vê rewşê di çarçoveya pêşketinên siyasî yên Sûriyê de dinirxîne.
Ji aliyê din ve, hin partiyên kurdî, tevî ku xwe wekî opozîsyonê nabînin, nerazîbûna xwe ji siyaseta hikûmetê, bi taybetî di derbarê mafên Kurdan de, eşkere dikin.
Bêrîvan Îsmaîl, hevseroka Partîya Yekîtîya Demokratîk (PYD) li Kobanîyê, dibêje ku ew beşdarî pêvajoya avakirina Sûrîya nû ne û ji bo damezrandina sîstemeke rêveberîyê ku hemû pêkhate û hêzên siyasî tê de cih bigirin dixebitin.
Herwiha hin partîyên Encûmena Niştimanî ya Kurd li Sûrîyê (ENKS) jî bawer dikin ku divê Kurd di avakirina sîstema siyasî ya nû de xwedî rolekê bin.
Ednan Bozan, endamê Serkirdatîya Partiya Yekîtiya Kurdistanî – Sûrîye, dibêje ku Kurd dixwazin mafên xwe yên neteweyî bi dest bixin û ji bo vê yekê di nav pêkhateyên hikûmetê de dixebitin. Lê wî hişyar kir ku heke sozên serokatiyê neyên bicihanîn, dibe ku kurd vegerin xebata opozîsyonê.
Hin siyasetmedar û çalakvan jî bawer dikin ku paşxistina opozîsyona fermî li vê qonaxa veguhêzê ne tê wateya vekişînê, lê stratejiyek e ji bo çavdêriya rewşa siyasî û ewlehiyê û amadekirina beşdarîyeke bi bandortir di pêvajoya avakirina Sûrîyeya nû de.
</description>
            <link>https://www.dengeamerika.com/a/suriye-kurd/8216887.html</link> 
            <guid>https://www.dengeamerika.com/a/suriye-kurd/8216887.html</guid>            
            <pubDate>Fri, 30 Oct 2026 18:18:04 +0300</pubDate>
            <category>Herêmên Kurdan</category><category>Sûrîye</category><category>Serekî</category><author> voadigital@voanews.com (Ridwan Bêzar)</author><enclosure url="https://gdb.voanews.com/900d581f-00d2-45b6-bd14-3249bceae65e_cx0_cy6_cw0_w800_h450.jpg" length="0" type="image/jpeg"/>
        </item>		
        <item>
            <title>UNHCR: 640 Derbider ji Kampên Newroz û Waşokanî Vegerîyan Serê Kanîyê</title>
            <description>Bi piştgirîya Komîserîya Bilind a Neteweyên Yekbûyî ji bo Penaberan (UNHCR) û rêveberîyên herêmî, 640 koçber bi awayekî dilxwazî ji kampên Newroz û Waşokanî vegerîyan bajarê Serê Kanîyê li Hesekê.
Di çarçoveya vê prosesê de, vegera van malbatan wekî gavê yekem ji bo destpêkirina jiyaneke aramtir û ewletir tê dîtin. Karbidestan diyar kir ku alîkarîyên domdar ji bo hêsankirina vegera koçberan û avakirina mercên guncaw li herêmê didomin.
Li gor daxuyanîya UNHCR&apos;ê, ji meha Îlonê ve zêdetirî 17 hezar û 800 koçber bi piştgirîya komîserîyê vegerîyan Serê Kanîyê, ku ev jî nîşan dide ku hejmara vegeran di demên dawî de zêde bûye.
Vegera koçberan di nav hewildanên herêmî û navneteweyî de tê dîtin ku armanca wan peydakirin mercên ewle û guncaw ji bo vegera kesên ku ji ber şer û alozîyan koçber bûne ye.
Lê malbatên koçber ên li kampên Waşokanî û Serêkanîyê li gundewarê Hesekê, şeva Çarşemê ji ber barana zêde û bagera ku li herêmê qewimîn zirarên mezin dîtin.
Ev yek di demekê de ye ku bi hezaran koçber di nav mercên dijwar de, di konên kevn û xerab de dijîn. Herwiha daxwazên nû hatin dubarekirin ku vegera ewle ya van koçberan bo bajarê Serê Kanîyê û gundewarên wê bihête bilezkirin.
Îbrahîm Şêxo, berdevkê Rêxistina Mafên Mirovan li Efrînê, dibêje ku di çarçoveya vegera koçber û derbiderên Sûriyê bo deverên xwe yên resen de, zêdetirî 2 hezar malbat bi çar karwanan vegeriyane Serê Kanîyê. Li gorî wî, karwanê yekem rastî zext û êrîşên kesên ser bi komên çekdar ên li herêmê ve hatiye.
Şêxo herwiha ji Dengê Amerîkayê ragihand ku nêzîkî hezar malbat bi hemahengîyeke nîvfermî vegerîyane Girê Sipî, lê li wir jî rastî zext û êrîşan hatine û trimbêlên wan hatine şewitandin. Ew dibêje ku piştî destwerdana berpirsên parêzgeha Reqayê û hêzên ewlekarîya giştî yên Kobanîyê ji bo parastina malbatan tedbîr girtin.
Derbarê Efrînê jî, Şêxo dibêje ku li gor peymana 29&apos;ê Çileya 2026an, zêdetirî 10 karwan, ku ji 80 hezar kesî zêdetir pêk dihatin, vegerîyane herêmê. Lê li gorî wî, hin astengî û zextan rê li ber vegerandina milkên xwe ji bo beşek ji kesên vegerîyane girtine. Ew dibêje ku nêzîkî 25 ji sedî hîn nikarin milkên xwe vegerînin.
</description>
            <link>https://www.dengeamerika.com/a/syria-unhcr/8216492.html</link> 
            <guid>https://www.dengeamerika.com/a/syria-unhcr/8216492.html</guid>            
            <pubDate>Thu, 29 Oct 2026 18:25:21 +0300</pubDate>
            <category>Sûrîye</category><category>Serekî</category><author> voadigital@voanews.com (Semîra Elî Mendî)</author><enclosure url="https://gdb.voanews.com/6b79ba1f-38df-46c4-3df6-08df13be6539_w800_h450.jpg" length="0" type="image/jpeg"/>
        </item>		
        <item>
            <title>Serdana Serokwezîr Zeydî ya Şamê û Vejiyandina Têkilîyên Dualî</title>
            <description>Serokwezîrê Îraqê, Elî Zeydî, roja Çarşemê 28 Cotmehê gihîşt Şamê. Ev yekem serdana serokwezîrekî Îraqî bo Sûriyê ye ji dema hilweşîna rejîma Beşar Esed di Kanûna Yekem a 2024an de.
Di vê serdanê de, wî bi Serokê Sûrîyê Ehmed Şeri’ re civiya û li ser têkiliyên dualî û mijarên hevpar ên ewlehî û aborî gotûbêj kir.
Li gor daxuyaniya ofîsa ragehandina Serokwezîrê Îraqê di platforma Xê de, di civîna roja Çarşemê de, herdu alîyan li ser çend mijarên girîng gotûbêj kirin. Di nav de, hinardekirina petrola Îraqê bi riya borîya Banyasê, ku rojê du milyon bermîl hinarde bike, zêdekirina bazirganiya di navbera her du welatan de û pêşxistina hevkariyê di warê çandinî de bûn, da ku her du welat di warê xwarinê û aboriyê de hev temam bikin.
Ev serdan di demekê de pêk hat ku her du welat bi kêşeyên ewlehiyê yên li ser sînor mijûlin û dîrokeke dirêj ji girjîya peywendîyan hebû.
Ednan Esserac: Aramiya Sûriyê ji bo Aramiya Îraqê Girîng e
Şirovekarê siyasî yê Îraqî û Serokê Navenda Îraqî bo Geşedana Ragihandinê, Ednan Esserac, gote Dengê Amerîkayê, “serdana Zeydî nîşana xwesteka hikûmeta nû ya Îraqê ye ku têkiliyên xwe bi welatên erebî û herêmî re xurtir bike.”
Li gorî Esserac, yek ji mijarên sereke ji bo Îraqê ew e ku Sûrîye ewlehî û aramiya li ser sînor biparêze, li dijî komên tundrê têkoşînê bike û rê li ber belavbûna gotarên kîn û nefretê bigire. Ew bawer dike ku aramiya Sûriyê rasterast bi aramiya Îraqê ve girêdayî ye.
Hin siyasîyên Îraqî rexneyê li serdana Zeydî bo Sûriyê dikin. Ew dibêjin ku Bexda zû bi rêveberiya Ehmed Şeri’ re nêzîk dibe. Sedema nerazîbûna wan rabirdûya Şeri’î û şerê wî li Îraqê ye. Ew her wiha behsa biryarên kevn ên girtina wî dikin.
Lê Esserac, dibêje ku ev “serdana hêzê ye, ne serdana lawaziyê”. Li gorî wî, Îraq dixwaze têkiliyên xwe bi Sûrîyê û welatên herêmê re xurtir bike û berjewendiyên xwe yên ewlehî û aborî biparêze.
Berebendî: Pirsgirêkên Dijwar Hîn jî di Navbera Şam û Bexda de Hene
Dîplomatê Sûrî, Bessam Berebendî, ji Dengê Amerîkayê re diyar kir ku di navbera herdu welatan de hîn jî hin pirsgirêkên dijwar hene ku divê çareser bibin, û bal kişande ser hebûna hejmarekî mezin ji Sûrîyan ku wekî endamên gumanbar yên Daişê hatine veguheztin bo Îraqê. 
Li gorî wî, zêdetirî 3,000 Sûrî ji alîyê Hêzên Sûriya Demokrat (HSD)ê ve ve hatine veguheztin û dadgehên Îraqê di gelek dozên wan de belgên têrker nedîtine ku wan bi Daişê ve girêbidin.
Berebendî herwiha dibêje, ku beşdariya hin komên çekdar ên Îraqî yên nêzî Îranê di şerê Sûrîyê de barêkî giran li ser têkiliyên herdu welatan hiştiye. Berebendî, got “seredana Zeydî girîng e, ji ber ku yekem serdana serokwezîrekî Îraqî ye bo Sûrîya nû piştî guherînên siyasî yên li welêt. Herwiha daxwazek navnetewîye jî, bi taybetî ji aliyê Amerîkayê ve, ku dixwaze têkiliyên aborî di navbera Sûriyê û Îraqê de pêş bikevin“.
Berman: Serdana Elî Zeydî Dikare Deriyê Hevkariya Aborî Veke
Ji alîyê xwe ve Îlan Berman, cîgirê serokê Encûmena Siyaseta Derve ya Amerîkayê (American Foreign Policy Council), gote Dengê Amerîkayê ku serdana Elî Zeydî bo Şamê ji gelek aliyan ve girîng e. Ev yekem serdana serokwezîrekî Îraqî ye piştî hilweşîna rejîma Esed, û nîşan dide ku Bexda hewl dide têkiliyek kûrtir û berfirehtir bi hikûmeta nû ya Sûriyê re ava bike.
Li gorî Berman, mijara sereke ya ku dê li ser were axaftin ewlekarî ye. Hîn jî li Îraqê nîgeranî hene derbarê rabirdûya Serokê Sûriyê Ehmed Şeri’, û herwiha çalakiyên dirêjdem ên Daişê li ser sînorê Îraq û Sûriyê.
Berman herwiha got ku şerê Îranê yek ji mijarên girîng e ku bandorê li ser herêmê dike. Li gorî wî, her ku alozî berdewam bike, welatên herêmê li alternatîfên nû digerin da ku girêdana xwe bi Tengava Hormuzê kêm bikin. Ev jî dikare derfeteke nû ji bo hevkariya aborî ya berfirehtir di navbera Bexda û Şamê de biafirîne.
Wî got ku ji ber vê yekê dibe ku di warê bazirganî, û hevkariya aborî de gavên nû werin avêtin.
</description>
            <link>https://www.dengeamerika.com/a/iraq-syria-visit/8216092.html</link> 
            <guid>https://www.dengeamerika.com/a/iraq-syria-visit/8216092.html</guid>            
            <pubDate>Wed, 28 Oct 2026 20:14:31 +0300</pubDate>
            <category>Îraq</category><category>Sûrîye</category><category>Serekî</category><author> voadigital@voanews.com (Semîra Elî Mendî)</author><enclosure url="https://gdb.voanews.com/edb13055-374b-481e-d7d3-08df13de69b6_cx14_cy16_cw80_w800_h450.jpg" length="0" type="image/jpeg"/>
        </item>		
        <item>
            <title>Êrîşên Urdunê li Başûrê Sûrîyê û Pirsa Şerê Terorê li Wan Nevçeyan</title>
            <description>Êrîşên esmanî yên Urdunê li ser hin deverên başûrê Sûrîyê, ku Emman ew wek bersivekê li ser êrîşa li Dêra li bajarê Kerekê binav kir, careke din balê dikişînin li ser gefa torên tundrew li ser ewlehîya Urdunê û asta hevkarîya ewlehîyê ya navbera Emman û Şamê ji nû ve zindî kirin.
Di dema ku Urdunê dibêje armanc torên girêdayî Daiş ê bûn, Şam êrîş şermezar kir û got ku bêyî hemahengîya berê hatine kirin.
Wezîrê ragehandinê ê Urdunê Mihemed Mominî got ku encamên destpêkê nîşan didin ku zîyanên mezin gihîştine rêxistinê, ku bi zêdetirî 20 çekdarên Daişê hatine kuştin û enbargeheka mezin a çekan bi temamî hatiye rûxandin.
Mominî tekez kir ku sebra wan li hember tevgerên van rêxistinan nemaye, û got ku rêxistina Daişê metirsîyeke hevbeş li ser Sûrîyê û Urdunê çêdike.
Hesen Ebû Heniyê: Tundrewî li Urdinê bi Tevliheviya Herêmî Zêde Dibe
Lêkolînerê Urdunî û pisporê tevgerên îslamî Hesen Ebû Heniyê, dibêje ku êrîşa li ser Dêrê yekem bûyera bi rengê tundûtûjiya mezhebî li Urdinê bû.
Ebû Heniyê gote Dengê Amerîkayê, &quot; Urdun di nava jîngehekê de ye ku gelekî dijwar e. Rewşa aborî baş nîne û herwiha nebûna demokrasîyê û ne jî azadîyên têr hene. Ji ber vê yekê, ez bawer dikim ku Urdin niha di rewşeke zor de ye. Ev yek tundûtûjiyê xurttir dike, û ev nîşan dide ku sedemên tundrewîyê piranî binesazî ne, ne ku tenê diyardeyên cudabûnê ne.
Ev rewş hem tundrewîyê û hem jî nîgeranêyê zêde dike. Ez bawer dikim ku rejîma Ûrdinê gelek nîgeran e, ji ber ku herêm û cîhan di rewşekê ne aram û nazik de ne. Ev jî rasterast bandorê li ser Urdinê dike. Dema ku zehmetiyên aborî yên Urdinê jî lê zêde dibin, rewş dibe metirsîdar. &quot;
Li gorî wî, tevlihevîya li Sûrîyê, Îraqê, şerê navbera Îran û Îsraîl-Amerîkayê û herwiha belavbûna hejarî û bêkarîyê dikarin şert û mercên ku tundrewî jê sûd werbigire zêde bikin.
Clarke: Astengkirina DAIŞê Li Sûriyeyê Erkek Zehmet e
Colin P. Clarke, rêveberê giştî yê Navenda Soufan li Washingtona paytext, dibîne ku di herêmê de hîn jî torên girêdayî Daişê hene ku bandora wan digihîje Urdunê jî. Ew dibêje ku ev tor dikarin di salên pêş de bihêztir bibin, bi taybetî dema ku şervan ji hin herêman derdikevin û li herêmên din bicih dibin.
Clarke ji Dengê Amerîkayê re got, &quot; Ez bawer dikim ku rêveberîya Trump dê hevkarîya ewlehîyê û parvekirina agahdarîyên îstixbaratî bi Urdunê re zêde bike, ji ber ku Urdun berê jî hevpeymanek nêzîk a Amerîkayê ye.&quot;
Di derbarê Sûrîyê de jî, Clarke dibêje &quot; bawerîya min hikûmeta niha ya Sûrîyê di astengkirina torên girêdayî Daişê de rolek pir girîng heye. Lê ev kar ne hêsan e, ji ber ku hikûmeta Ehmed Şeri’ niha bi gelek mijar û pêşengîyên din re mijûl e. Li gorî min, pirsgirêk ne kêmbûna daxwaz an îradeyê ye, belkî kêmbûna şîyan û şertên pêwîst e. Ji vî alî ve, Amerîka dikare alîkarîya Sûrîyê bike.&quot;

Ramî Ebdulrehman: Metirsîya Tundrewîyê Ji Sûrîyê Derbasî Sînoran Dibe
Ji aliyê xwe ve, Ramî Ebdulrehman, rêveberê Çavdêrîya Sûriyê ya Mafên Mirovan (SOHR), hişyarî da ku metirsîya komên radîkal tenê bi hebûna wan a çekdarî ve sînordar nabe, lê belê jîngeha bîrdozî jî dihewîne ku alîkarîya belavbûna ramanên tekfîrî û şîdetê dike. Wî tekez kir ku rûbirûbûna radîkalbûnê, di tenişta tedbîrên ewlehîyê de, hewcedarî hewldanên bîrdozî, kultûrî û perwerdehîyê ye.
Ebdulrehman gote Dengê Amerîkayê, &quot;Şerê li dijî ramanên tekfîrî û tundrewî divê bi heman demê re li dijî komên çekdar, çavkanîyên darayî yên wan û hewildanên ji nû ve rêxistinkirina wan were meşandin. Ev metirsî tenê bi Sûrîyê nayê girêdan. Dikare bigihêje Urdin, Îraq, Lubnan û welatên din ên herêmê jî. Ji ber ku ramanên tundrew sînoran nas nakin. Dema ku di nav civakekê de belav dibin, bandora wan ji wê civakê derbas dibe û digihêje tevahiya herêmê.&quot;
Fadil Ebû Rexîf : Îraq Li Dijî Daişê Ji Urdunê Bihêztir e
Pisporê ewlehiyê yê Îraqî Fadil Ebû Rexîf êrîşên asmanî yên Urdunê wekî êrîşên pir baş û bi bandor” binav kir û got ku ew dikarin metirsîya derbasbûna komên tundrew ji axa Sûrîyê ber bi Urdunê kêm bikin.
Ebû Rexîf gote dengê Amerîkayê “Ez bawer dikim ku ev komên tundrew û radîkal ji bo Urdun û Îraqê bi heman awayî metirsî ne. Lê alîyê Îraqî gelekî li hember komên tundrew ên Daiş’ê xwe parastiye. Berevajî Urdunê, rewşa ewlehîyê ya Îraqê di mijara Daiş’ê de bihêztir û mukimtir e.”
</description>
            <link>https://www.dengeamerika.com/a/syria-jordan-iraq-usa/8215770.html</link> 
            <guid>https://www.dengeamerika.com/a/syria-jordan-iraq-usa/8215770.html</guid>            
            <pubDate>Wed, 28 Oct 2026 14:18:51 +0300</pubDate>
            <category>Sûrîye</category><category>Îraq</category><category>Rojhilata Navîn</category><category>Serekî</category><author> voadigital@voanews.com (Semîra Elî Mendî)</author><enclosure url="https://gdb.voanews.com/ee6024e3-d4a3-4c6c-bde6-959a30b84f3c_w800_h450.jpg" length="0" type="image/jpeg"/>
        </item>		
        <item>
            <title>NY, Rewşa Koçberên Sûrîyê Eşkere Kir û Dibêje ku Wan Her Tiştê Xwe Winda Kirîye</title>
            <description>Nûnera taybet ya Neteweyên Yekbûyî (NY) roja Çarşemê 21’ê Cotmehê got ku vegera ser malên wêrankirî ya koçberîyê bidawî nabe, heta ku mirov nekaribin jiyana xwe ji nû ve ava bikin û pêwistîyên bingehîn bi dest nexin.
Nûnera Taybet a NY’yê Paula Gaviria Betancur got ku Sûrî bi hêvîya siberojeke çêtir vegerîyan ser mal û milkên xwe jî, lê li wir rastî malên rûxandî, windakirina kar û nebûna pêwîstîyên bingehîn tên.
Wê di konferanseke rojnamevanîyê de li NY’yê got ku malbatan di nava beşên ku xera nebûne yên xanîyên xwe de xwarin çêdikirin û heta ku xanîyên wan bên çêkirin, di konên ku bi xwe re anîne de radizan.
Wê anî ziman ku &quot;Wan her tiştê xwe winda kirîye.&quot;
Dema ku pirs ji wê hat kirin li ser vegera Kurdên koçber a ji bo Efrînê, Gaviria Betancur got ku kesên vegerîyane ji ber hatina mala xwe kêfxweş bûn, lê dîsa jî karê wan tune ye û hewceyî rê û xizmetên tenduristîyê ne.
Wê got ku hikûmeta Sûrîyê li ser van pirsgirêkan dixebite, lê tekez kir ku vegera bi tenê ne bes e.
Wê hişyarî da ku eger navên kesên vegerîyane zû ji lîsteyên koçberîyê bên derxistin, dibe ku ew ji alîkarî û plansazîyên nûvekirinê bêpar bimînin.
Wê got ku “Heta ku çareserîyek neyê dîtin, ew hîn jî koçber in.”
Li gor daxuyanîya Nûnera Taybet, heta niha nêzîkî 2 milyon koçber vegerîyane ser cihên xwe, lê hîn jî 5.5 milyon mirov di nava Sûrîyê de koçber in.
</description>
            <link>https://www.dengeamerika.com/a/s%c3%bbr%c3%aeye-ny/8214071.html</link> 
            <guid>https://www.dengeamerika.com/a/s%c3%bbr%c3%aeye-ny/8214071.html</guid>            
            <pubDate>Thu, 22 Oct 2026 18:11:22 +0300</pubDate>
            <category>Sûrîye</category><category>Serekî</category><enclosure url="https://gdb.voanews.com/E7EF0270-97F3-41FA-8A5E-AE7DE2B45E1A_w800_h450.jpg" length="0" type="image/jpeg"/>
        </item>		
        <item>
            <title>Şandeke Karsazên Amerîka-Kurdistan û Amerîka-Sûrîyê Serdana Hewlêrê Kir</title>
            <description>Şandeke karsaz û nûnerên kompanîyên Amerîkayê îro Çarşemê serdana Hewlêrê kir.
Armanca vê serdanê ew e ku karên aborî û bazirganî yên kompanîyên Amerîkayê li Herêma Kurdistanê û Sûrîyê pêş bixin.
Ev şanda karsazan ligel gelek rayedarên bilind ên herêmê civîya, ku yek ji wan jî Serokwezîr Mesrûr Barzanî bû.
Karbidestê Şandina Karsazên Amerîka-Kurdistanê David Tafuri di hevdîtineke ligel rojnamevanan de got: &quot;Em kêfxweş in ku kompanîyên Amerîkî di vê komê de hene. Kompanîyên ku hatine Kurdistanê û di karên xwe de bi ser ketine, divê bibin mînak û li Sûrîyê jî veberhênanê bikin. Herwiha divê ew Herêma Kurdistanê wekî navenda xwe ya sereke bi kar bînin da ku derfetên kar li Sûrîyê bişopînin.&quot;
Tafuri da zanîn ku rakirina cezayên Amerîkayê yên li ser Sûrîyê, ji bo karsazên Amerîkî derfeteke nû ya kar e.
Di hevdîtina ligel rojnamevanan de, Serokê Şanda Karsazên Amerîka-Sûrîyê Wail Ziyad jî bal kişand ser geşbûna karsazîya taybet û derfetên weberhênanê li Sûrîyê.
Ziyad got ku &quot;Em dikarin gelek tiştan ji ezmûna Herêma Kurdistanê fêr bibin. Ez dizanim ku li vir gelek karsaz hene ku dixwazin li Sûrîyê kar bikin an jî dest bi karê xwe kirine. Ji ber vê yekê, wekî şand, em kêfxweş in ku bibin alîkar an şêwirmend da ku ew derbasî bazara Sûrîyê bibin. Armanca me ew e ku em li seranserî herêmê bi rengekî hevpar bixebitin da ku qezenc bigihîje her kesî.&quot;
Rayedarên Herêma Kurdistanê jî diyar kir ku ew amade ne hemû hêsankarîyan ji bo van karsazan bikin.
Serokê Odeya Bazirganîyê ya Hewlêrê Geylan Hacî Seîd jî hatina vê şandinê wekî gaveke girîng dît û got ku ev serdan dê têkilîyên aborî yên di navbera herdu alîyan de xurttir bike.
</description>
            <link>https://www.dengeamerika.com/a/amer%c3%aeka-kurdistan-s%c3%bbr%c3%aeye/8211255.html</link> 
            <guid>https://www.dengeamerika.com/a/amer%c3%aeka-kurdistan-s%c3%bbr%c3%aeye/8211255.html</guid>            
            <pubDate>Wed, 14 Oct 2026 21:39:40 +0300</pubDate>
            <category>Amerîka</category><category>Herêmên Kurdan</category><category>Sûrîye</category><category>Serekî</category><enclosure url="https://gdb.voanews.com/26f023f1-56aa-4c55-3c8b-08df13be6539_w800_h450.jpg" length="0" type="image/jpeg"/>
        </item>		
        <item>
            <title>Ebdî ji Hewlêrê: Yekîtîya Kurdan û Garantiyên Destûrî Pêwîst in</title>
            <description>Mazlum Ebdî dibêje ku mafên Kurdan û peymanên bi Şamê re divê di destûra nû ya Sûrîyê de werin garantî kirin.</description>
            <link>https://www.dengeamerika.com/a/syria-krg-hewler-meri-kurds/8210863.html</link> 
            <guid>https://www.dengeamerika.com/a/syria-krg-hewler-meri-kurds/8210863.html</guid>            
            <pubDate>Wed, 14 Oct 2026 00:20:20 +0300</pubDate>
            <category>Îraq</category><category>Herêmên Kurdan</category><category>Sûrîye</category><category>Serekî</category><author> voadigital@voanews.com (Ozlem Yasak, Dengê Amerîka)</author><enclosure url="https://gdb.voanews.com/63754371-65b0-44b1-d679-08df13de69b6_w800_h450.jpeg" length="0" type="image/jpeg"/>
        </item>		
        <item>
            <title>Barrack û Şeybanî li Stenbolê li Ser Metirsiyên Herêmî û Aramiyê Axivîn</title>
            <description>Nûnerê Taybet ê Serokê Amerîkayê bo Karûbarên Îraq û Sûriyê balyozê Amerîkayê li Tirkiyê Tom Barrack li gel Wezîrê Derve yê Sûrîyê, Es&apos;ed Şeybanî, roja Pêncşemê li Stenbolê civiya. 
Herduyan li ser têkiliyên navbera Amerîka û Sûriyê û geşedanên dawî yên li herêmê axivîn.
Tom Barrack li ser platforma Xê got ku Sûriye &quot; parçeyek girîng a hevkêşeya Rojhilata Navîn e&quot; û dikare di kêmkirina aloziyan li herêmê de rolek girîng bilîze.
Wî got ku bi Şeybanî re li ser pêşîniyên hevpar ji bo rûbirûbûna bi metirsiyên herêmî re axivîne. Barrack da zanîn ku dîrok kêm caran derfetê dide herêmekê ku bi destê xwe parçeyên xwe ji nû ve rêk bixe û niha ev derfet ji herêmê re peyda bûye.
Wezareta Derve ya Sûriyê jî ragihand ku di hevdîtinê de têkiliyên dualî, pêşhatên dawî yên li herêmê, derfetên hevkarî û hemahengiyê di çend mijarên hevpar de û hewlên ji bo piştgirîkirina ewlehî û aramiyê hatin gotûbêhkirin.
</description>
            <link>https://www.dengeamerika.com/a/usa-barrack-syria/8209124.html</link> 
            <guid>https://www.dengeamerika.com/a/usa-barrack-syria/8209124.html</guid>            
            <pubDate>Thu, 08 Oct 2026 20:39:50 +0300</pubDate>
            <category>Amerîka</category><category>Sûrîye</category><category>Serekî</category><enclosure url="https://gdb.voanews.com/651ecc28-99da-4b5d-3bfd-08df13be6539_cx8_cy0_cw86_w800_h450.jpg" length="0" type="image/jpeg"/>
        </item>		
        <item>
            <title>Sûriyê ji bo Şerê li Dijî Hûsiyan Dibe Piştgiriyê Bide Siûdîyê</title>
            <description>Li gorî rayedarekî Amerîkî û rayedarekî berevaniyê yê Sûriyê, dibe ku Sûriye hêzên xwe bişîne Erebistana Siûdî, da ku di şerê li dijî Hûsiyên Yemenê de piştgiriyê bide wê.
Ev yek di demekê de ye ku Hûsiyên Îranê piştîgîya wan dike, êrîşên xwe yên bi mûşek û dronan li ser Erebistana Siûdî zêde kirine. Di êrîşên vê hefteyê yên li ser balafirgehên Siûdiyê de sê kes hatin kuştin.
Lê şêwirmendê ragihandinê yê Serokatiya Sûriyê, Ehmed Muwefeq Zeydan, nûçeyên derbarê şandina hêzên Sûriyê bo Yemenê red kir û li ser platforma Xê got ku ewlehiya Erebistana Siûdî û Kendavê parçeyek ji ewlehiya Sûriyê ye û Şamê li digel Riyadê ye. Lê wî nûçeyên derbarê daxwazeka Siûdiyê ji bo şandina hêzên Sûriyê bo Siûdiyê an Yemenê, wek &quot;derew û nerast&quot; binav kir.
Li gorî malpera Axios, sê rayedarên Amerîkî êvara Sêşemê ji wê re gotine ku Siûdîyê û Sûriye li ser şandina di navbera 10,000 û 20,000 leşkerên Sûrî bo Yemenê danûstandinan dikin da ku beşdarî êrîşa li dijî Hûsiyan bibin.
Erebistana Siûdî ji welatên hevalbend, di nav de Tirkîyê û Pakistan, daxwaza piştgiriyê kiriye, heta eger ew piştgirî tenê lojîstîk an ji bo berevaniyê be. 
Piştî êrîşên dawî yên Hûsiyan li ser binesaziya Siûdiyê, bi taybetî êrîşa ku vê hefteyê li balafirgehê pêk hat, Riyadê hewldanên xwe ji bo bidestxistina piştgiriyê zêde kirine.
Sibeha îro Pêncşemê, li Riyadê dengê çend teqînên mezin hat bihîstin, lê Ajansa Reutersê nekarî sedema wan diyar bike. Di destpêkê de daxuyaniyek fermî nehat dayîn û hişyariyeke giştî jî nehat ragihandin. Lê hin dîplomatan got ku wan hişyarî wergirtine.
Hin dibistanên li Riyadê jî ji dê û bavên xwendekaran xwestin ku li cihên ewle bimînin.
Hûsiyên Yemenê roja Pêncşemê ragihand ku wan bi mûşekeke balîstîk êrîşî Balafirgeha Navneteweyî ya King Khalid li Riyadê kiriye. Hikûmeta Erebistana Siûdî di destpêkê de li ser vê yekê şîroveyek nekir.
Siûdîyê vê havînê ligel Tirkîyê û Pakistanê Peymana Parastina Hevbeş a Mekeyê îmze kir, ku her sê welatan mecbûr dike ku li hemberî her êrîşekê berevaniyê hevkarîya hev du bikin.
Beşdarbûna hêzên Sûriyê di şer de dikare aloziya li herêmê zêdetir bike. Ji nû ve destpêkirina şerê navxweyî li Yemenê jî metirsiya wê zêde dike ku welatên din ên herêmê jî bikevin nav şer.
</description>
            <link>https://www.dengeamerika.com/a/syria-saudi-yemen/8209103.html</link> 
            <guid>https://www.dengeamerika.com/a/syria-saudi-yemen/8209103.html</guid>            
            <pubDate>Thu, 08 Oct 2026 18:12:28 +0300</pubDate>
            <category>Sûrîye</category><category>Rojhilata Navîn</category><category>Serekî</category><enclosure url="https://gdb.voanews.com/f5e3a138-4a7c-41d3-a6be-43e65ffc763f_cx3_cy0_cw95_w800_h450.jpg" length="0" type="image/jpeg"/>
        </item>		
        <item>
            <title>Li Rojava Dosyaya Windayên Êzîdî Hîn li Benda Çareserîyê ye</title>
            <description>Qamişlo — Piştî şer û pevçûnên destpêka vê salê di navbera Hêzên Sûrîya Demokratîk (HSD) û artêşa hikûmeta Sûrîyê de û valabûna Kampa Holê, dosyaya windayên Êzîdî li Rojava êdî ket asteke aloztir. 
Di qonaxa berî hilweşandina HSD&apos;ê de, Yekîneyên Parastina Jinê (YPJ) û Mala Êzîdîyan bêtirî 400 kesên Êzîdî, yên ku ji alîyê Daişê ve hatibûn revandin, rizgar kirin. Lê îro roj, hîn jî zêdetirî 2600 windayên Êzîdî hene û prosesa rizgarkirina wan ji destpêka 2026&apos;an ve hatîye rawestandin. 
Li navenda Yekîtîya Mala Êzîdîyan li Rojava, dosyaya zêdetirî 900 malbatên Êzîdî yên ku li bendê ne nûceyekî ji zarok û jinên xwe yên windayî bibînin, li ser maseyê ne. 
Piştî bûyerên valabûna Kampa Holê û belavbûna şaneyên tundrê, zanyarî hene ku bi dehan windayên Êzîdî di nav kampên cuda yên Sûrîyê de hatine veguhestin. Vê mijarê pêkanîna hevdîtineke fermî di navbera Mala Êzîdîyan û Wezareta Dadê ya Sûrîyê ferz kir.
Îsmaîl Delf ji rêxistina Yekîtiya Êzîdîyên Sûrîyê dibêje ku zanyarî li cem wan derbarê windayên Êzîdî li nav kampên Sûrîyê hene.
&quot;Me hebûna bi dehan windayên Êzîdî di hin kampan de piştrast kiriye. Em nikarin navên kampan eşkere bikin ji ber ku hîn jî komên tundrê hene ku dikarin cihan biguherînin,&quot; Delf ji Dengê Amerîka re da zanîn.
&quot;Bi hevkarîya Desteya Niştimanî ya Windayan re zanyarîyên baş di destê me de hene û em geşbîn in ku nêzîk dê civînên din bo destpêkirina gavên praktîkî werin lidarxistin,&quot; Delf got.
Delf herwiha diyar kir ku wan daxwazên xwe bo vegerandina hemû windayan pêşkêş kirin û alîyê hikûmetê jî soz û hevkarîya xwe nîşan dane. 
Rêxistinên mafên mirovan tekez dikin ku piştî guherîna nexşeya kontrolê li Sûrîyê, berpirsyarîya yasayî û exlaqî dikeve ser milê desthilata navendî ku plansazîyeke zelal bo dîtin û vegerandina van qurbaniyan deyne.
&quot;Îro ji ber ku hikûmeta Sûriyeyê kontrola xwe li ser tevahiya xaka Sûriyeyê dimeşîne, tenê danîna sozan bes nîne,&quot; Ebas Ebas, kordînatorê Platforma Windayan (MPFP) di Rêxistina Hevdestî de.
Mûsa ji Dengê Amerîka re got ku &quot;Divê planên giştî û gavên pratîkî li ser sahayê werin destpêkirin daku dosyeya windayan bi dawî bibe û mafên van qurbaniyan bêtin parastin.&quot;
Di navbera tirsên ji wendakirina şopên qurbanîyan û dergehên nû yên diyalogê de, 900 malbatên Êzîdî li Şengalê û Rojava çav li biryarên bilez ên alîyên peywendîdar in da ku keç û zarokên xwe ji nû ve hembêz bikin.
</description>
            <link>https://www.dengeamerika.com/a/missing-yazidis-rojava-syria/8208282.html</link> 
            <guid>https://www.dengeamerika.com/a/missing-yazidis-rojava-syria/8208282.html</guid>            
            <pubDate>Tue, 06 Oct 2026 16:08:13 +0300</pubDate>
            <category>Herêmên Kurdan</category><category>Sûrîye</category><category>Serekî</category><author> voadigital@voanews.com (Emced Kurdo)</author><enclosure url="https://gdb.voanews.com/f0001d65-17b3-4e50-c9b3-08df13be6519_w800_h450.jpg" length="0" type="image/jpeg"/>
        </item>		
        <item>
            <title>Peymana Mekkeyê Berevanîya Hevbeş Çalak Dike</title>
            <description>Erebistana Siûdî, Pakistan û Tirkîyê roja duşemê biryar dan ku &quot;bi lez û bez&quot; derbasî cîbicîkirina pratîkî ya erkên berevanîya hevbeş di çarçoveya &quot;Peymana Berevanî ya Mekkeyê&quot; de bibin.
Li gor biryarê, hêz û şîyanên leşkerî yên derbarê wan lihevhatî kirin, dê bên dabînkirin û bi lez li Erebistana Siûdî bên bicihkirin. Ev biryar piştî civîna awarte ya Komîteya Stratejîk a Siyasî û Parastinê ya hevpeymaniyê li Riyadê hat dayîn.

Wezîrê Berevanîyê yê Erebistana Siûdî Xalid Bin Selman li ser platforma &quot;X&quot;ê ragihand ku Komîteyê, di civîna xwe ya awarte de, careke din piştevanî û yekîtiya welatên endam di rûbirûbûna êrişên dijwar ên li dijî Erebistana Siûdî û cihên pîroz de piştrast kir.
Her sê welatan di daxuyaniyek hevbeş de gotin ku civîn ji bo gotûbêjkirina “pêşketinên ewlehiyê û gefên li dijî Erebistana Siûdî” hat lidarxistin.
Di daxuyaniyê de hat diyarkirin ku bicihkirina hêz û şîyanên leşkerî dê “li gorî rêkeftinên hatine pejirandin û yasayên navxweyî yên welatên endam” bê kirin. 
Armanc ew e ku amadekariya leşkerî, hevahengiya di navbera hêzan de û şiyana wan a hevbeş ji bo rûbirûbûn û bersivdana gefan bê xurtkirin.
</description>
            <link>https://www.dengeamerika.com/a/turkey-saudi-pakistan/8208024.html</link> 
            <guid>https://www.dengeamerika.com/a/turkey-saudi-pakistan/8208024.html</guid>            
            <pubDate>Mon, 05 Oct 2026 23:44:46 +0300</pubDate>
            <category>Tirkîye</category><category>Sûrîye</category><category>Serekî</category><enclosure url="https://gdb.voanews.com/dfeee647-8743-406f-95fd-c6e04d3cda38_cx0_cy7_cw0_w800_h450.jpg" length="0" type="image/jpeg"/>
        </item>		
        <item>
            <title>Çarenivîsa Xwendekarên Durzî di Navbera Şam û Suweydayê de</title>
            <description>Nakokîyên di navbera hikûmeta demkî ya Sûrîyê û rêveberîya xwecihî ya Suweydayê rê li ber xwendina gelek xwendekarên Durzî girtiye. 
Ji ber ku ew xwendekar ji herêma ku ji kontrola Şamê derketî ne, ew nikarin bi rêkûpêk xwendina xwe bidomînin.

Li gor ajansa Reuters, piştî ku hêzên nêzîkî Şamê di Tîrmeha sala borî de bi sedan Durzî li Suweydayê kuştin, artêşa Îsraîlê êrîşî hêzên Sûrîyê kir. Ji wê demê ve, piranîya Suweydayê di bin kontrola rêberê olî yê Durzîyan, Şêx Hîkmet Hicerî, de ye.

Hikûmeta Şamê dixwaze kontrola tevahîya Sûrîyê bike, lê gelek Durzî ji sozên parastina mafên xwe bawer nakin. Vê bêbawerîyê bandor li ser perwerdehîya xwendekaran jî kiriye.
Hikûmet pêşniyar kiriye ku xwendekarên Suweydayê ezmûnên xwe li deverên di bin kontrola Şamê de bikin, lê gelek malbat ji bo ewlekarîya zarokên xwe ditirsin. Hin Durzî jî ditirsin ku xwendekarên ku derbasî deverên Şamê dibin, paşê wekî xayîn bên dîtin.

Ajansa nûçeyan a dewleta Sûrîyê ragihandiye ku ji nav dora 137 hezar xwendekarên Suweydayê, tenê 150 kes beşdarî ezmûnên îsal bûne. Ji bo xwendekarên din, siberoja xwendinê hîn jî ne diyar e.
</description>
            <link>https://www.dengeamerika.com/a/durzi-suriya/8207083.html</link> 
            <guid>https://www.dengeamerika.com/a/durzi-suriya/8207083.html</guid>            
            <pubDate>Fri, 02 Oct 2026 17:56:48 +0300</pubDate>
            <category>Sûrîye</category><category>Rojhilata Navîn</category><category>Serekî</category><author> voadigital@voanews.com (Dengê Amerîka)</author><enclosure url="https://gdb.voanews.com/b9a3ed90-e8a3-4a63-bb8f-1a0067c3c3ad_w800_h450.jpg" length="0" type="image/jpeg"/>
        </item>		
        <item>
            <title>Tirkîye û Sûrîyê Danûstandinên Veşartî ligel Hizbullahê Red Dikin</title>
            <description>Reuters dibêje ku karbidestên hikûmeta Sûrîyê û nûnerên Hizbullahê di Îlonê de li Tirkîyê danûstandinên veşartî kirine û îstixbarata Tirkîyê navbeynkarîya van danûstandinan kiriye.</description>
            <link>https://www.dengeamerika.com/a/syria-turkey-hozbillah-reuters/8206758.html</link> 
            <guid>https://www.dengeamerika.com/a/syria-turkey-hozbillah-reuters/8206758.html</guid>            
            <pubDate>Thu, 01 Oct 2026 21:21:46 +0300</pubDate>
            <category>Sûrîye</category><category>Rojhilata Navîn</category><category>Tirkîye</category><category>Serekî</category><author> voadigital@voanews.com (Dengê Amerîka)</author><enclosure url="https://gdb.voanews.com/bb453d50-8f50-4676-b01f-983e8b7f526a_cx0_cy8_cw0_w800_h450.jpg" length="0" type="image/jpeg"/>
        </item>		
        <item>
            <title>Amerîka Qedexeya Firotina Çekan ji ser Sûrîyê Radike</title>
            <description>Washington — Rêveberîya Serokê Amerîkayê Donald Trump ragihand ku ew qedexeya kirîn û şandina çekên Amerîkî ji Sûrîyê re radike.
Wezareta Derve Çarşemê got ku ew guhertinan di &quot;Rêziknameya Trafîka Navneteweyî ya Çekan&quot; (ITAR) de dike da ku Sûrîye ji lîsteya wan welatan derkeve ewên ku nikarin çek û cebilxaneyên Amerîkî werbigirin.
Ev biryara ku îro Pêncşemê karîger dibe tê wê wateyê ku daxwazên kirîna çekan ên ji alîyê Sûrîyê ve, êdî dê li gor rewşa her dozekê bi awayekî cuda bên nirxandin.
Serok Trump sala borî ji bo sivikkirina cezayên aborî li Sûrîyê dest bi prosesekê kiribû.
Di meha Tebaxê de, Wezîrê Derve Marco Rubio statûya Sûrîyê wekî &quot;dewleteke ku piştgirîya terorê dike&quot; betal kir û bi vî awayî rê ji bo vê gava dawî ya nêzîkbûna bi hikûmeta demkî re xweş kir.
Wezareta Derve herwiha planên xwe yên nûvekirina Balyozxaneya Amerîkayê li Şamê ragihand. Ev bûne 14 sal ku balyozxane girtî ye.
Ligel derxistina Sûrîyê ji lîsteya reş a ITAR&apos;ê, tenê heft welat mane ku di bin siyaseta rênedana destûra hinardekirina çekên Amerîkayê de ne: Belarûs, Çîn, Kuba, Îran, Myanmar, Koreya Bakur û Venezuela.
</description>
            <link>https://www.dengeamerika.com/a/us-removes-arms-sales-bans-on-syria/8206633.html</link> 
            <guid>https://www.dengeamerika.com/a/us-removes-arms-sales-bans-on-syria/8206633.html</guid>            
            <pubDate>Thu, 01 Oct 2026 17:19:22 +0300</pubDate>
            <category>Amerîka</category><category>Sûrîye</category><category>Serekî</category><author> voadigital@voanews.com (Dengê Amerîka)</author><enclosure url="https://gdb.voanews.com/0e8211ea-77d3-4e6a-8f81-6169ea765fa7_cx0_cy3_cw0_w800_h450.jpg" length="0" type="image/jpeg"/>
        </item>		
        </channel></rss>