https://www.dengeamerika.com/z/2222 Beşê Kurdî yê Dengê Amerîka raport û nûçeyên dawî hene ku ronî didin ser rewşa Îraqê û Herêma Kurdistana Îraqê. https://www.dengeamerika.com/Content/responsive/VOA/kr-Latn/img/logo.png https://www.dengeamerika.com/z/2222 ku 2026 - VOA 60 Thu, 15 Oct 2026 20:07:09 +0300 Pangea CMS – VOA Tê çaverêkirin ku Parlamenta Îraqê îroja Pêncşemê 15ê Cotmehê, li ser temamkirina kabîneya hikûmeta Serokwezîr Elî Zeydî deng bide. Piştî pênc mehan ji damezrandina hikûmetê, Parlamenta Îraqê îro civînek girîng li dar dixe ku tê de mijara temamkirina kabîneya hikûmetê û dagirtina wezaretên vala dê were gotûbêj kirin û bixin dengdanê Herwiha, pêşniyarên avakirina sê wezaretên nû û çar postên cîgirên serokwezîr jî di rojeva civînê de cih digirin. Ev pêşveçûn di nav danûstandinên berdewam ên hêz û blokên siyasî de tê, ku hîn jî li ser parvekirina post û berpirsyariyan didomin. Li gor agahiyên dawî, xuya dike ku piraniya blokên siyasî gihiştine lihevhatineke berfireh li ser navên namzetan piştî nakokîyên kûr û dirêj. Re'id el-Dehlakî: Li benda temamkirina kabîneya hikûmeta Zeydî ne Hijmarek Endamên Parlamenta Îraqê geşbînîya xwe derbarê derbaskirina dengdana li ser temamkirina kîbeneya hikûmetê anîn ziman ku bo Dengê Amerîkayê axivîne, ji wan Endamê Parlemanê Îraqê Re'id el-Dehlakî got; endamên parlemanê yên ku hatine vexwendin bo civîna Pêncşemê demjimêr 7ê êvarî, ku tê de dê li ser navên wezîrên wezaretên vala dengdan were kirin. Li gor wî, partiyên sîyasî li ser piraniya namzetan lihev hatine û bawer dikin ku hemû nav bi hêsanî dê werin pejirandin. Dehlakî herwiha piştrast kir ku nameya ku ji aliyê Serokwezîr Elî el-Zeydî ve ji Parlemanê re hatî şandin rast e, û di wê de daxwaza dengdanê li ser navên wezîran û herwiha çar postên cîgirên serokwezîr hatiye kirin. Rûniştina Parlemana Îraqê biryar e dengdanê bike li ser 9 wezaretên vala û 3 wezaretên nû. Di nav wezaretên nû de hatine çêkirin; Wezareta Geştûguzariyê û Wezareta Aboriya Dîjîtal û Jîriya Destkird (AI), herwiha Wezareta Dewletê ya Karûbarên Kêmnetewe (ku Mihemed Sem'an) e. Ev yek hevdem e ligel yekalîkirina neh wezaretên mayî ku tê de Yasir Sixêl ji bo Wezareta Navxweyî û Nayîf El-Şemerî ji bo Wezareta Berevanyê hatine destnîşankirin. Alîgirên pêşniyara avakirina Wezaretên nû dibêjin ku armanc ew e ku hikûmet bikare bi bandortir bersiva pêdiviyên aborî, karûbarên xizmetguzarî û armancên pêşveçûnê bide. Herwiha, hin çavdêran bawer dikin ku avakirina postên nû jî beşek ji hewildanên balanskirina hêzên siyasî ye, da ku bêtir aliyên siyasî di hikûmetê de cih bigirin û piştgirîya xwe ji kabîneya Ali al-Zaidi re bidomînin. Xalib el-De'mî: Lihevhatinên siyasî dîsa li ser bingeha parvekirina desthilatê ne Akademîsyon û lêkolînerê siyasî Xalib el-De'mî got ku di mehên borî de gelek blokên siyasî amade nebûn li ser temamkirina kabîneyê deng bidin, ji ber ku ew hîn negihiştibûn post û desthilatên ku dixwestin. Li gor wî, niha bi avakirina çar postên cîgirên serokwezîr, ihtîmala zêdekirina postên nû yên cîgirên serokkomar û herwiha sê wezaretên nû, gelek ji daxwazên van aliyan hatine bicihanîn. Berdevkê PDKê: Namzetên me bo Cîgirê Serokwezîr û Wezartin zela bûne Derbarê alîyên siyasî yên Kurd, xuya dike ku Partiya Demokrat a Kurdistanê (PDK) postên xwe yên di kabîneya Zeydî de bi awayekî mezin diyarkirine. Daner Ebilxefûr Ezîz, berdevkê bloka PDKê di Parlemana Îraqê de, gote Dengê Amerîkayê ku partiyê Faris Şêx Sedîq Brîfkanî ji bo posta cîgirê serokwezîrê Îraqê û Rêbaz Mihemed Abdullah, navdar bi Rêbaz Hemlan, ji bo posta wezîrê Avakirin û Niştecihbûnê berbijar kirien. Ev nîşan dide ku PDKê li ser para xwe ya di hikûmetê de gihîştiye lihevhatinê. Parlemanterê Kurd got ku lihevhatin an jî rewşeke giştî heye ku nîşan dide namzet û berbijaêrên pêşkêşkirî dê di civîna îro, Pêncşemê, de bên pejirandin û dê dengdana li ser temamkirina kabîneya hikûmeta Elî Zeydi pêk were. Tê zanîn Parlamana Îraqê di 14'ê Gulana bûrî de bawerî da hikûmeta Zeydî û 14 wezîrên wê, lê ji 23 wezaretan 9 wezaret bê wezîr man. https://www.dengeamerika.com/a/iraq-cabinet/8211578.html https://www.dengeamerika.com/a/iraq-cabinet/8211578.html Thu, 15 Oct 2026 19:44:07 +0300 ÎraqSerekî voadigital@voanews.com (Semîra Elî Mendî) Serokwezîrê Îraqê Elî el-Zeydî roja Çarşemê dest bi gera xwe ya welatên Kendavê kir û Riyad rawistgeha yêkê ya serdana wî bû. Di çarçoveya serdanê de, Zeydî bi Mîrê Cîgir yê Erebistana Siûdî Mihemed bin Selman re civiya. Di civînê de, herdu aliyan li ser pêşveçûnên herêmî û rêyên hevrêzîyê û hewldanên ji bo bihêzkirina ewlehî û aramiya herêmê axivîn. Herwiha, têkiliyên navbera Îraq û Erebistana Siûdî û awayên pêşxistina wan di gelek waran de hatin gotûbêkirin, bi taybetî di warê hevrêzîya ewlehiyê de. Li gor daxuyaniya hikûmeta Îraqê, Serokwezîr Zeydî tekez kir ku Îraq rê nade ku axa wê ji bo kiryarên ku ewlehiya Erebistana Siûdî û welatên herêmê dixe metirsiyê were bikaranîn. Wî herwiha got ku Bexda bi prensîba cîranîtiya baş, rêzgirtina serweriya welatan û pêşxistina têkiliyên baş bi welatên bira û heval re girêdayî ye. Zeydî herwiha êrîşa li Balafirgeha Navneteweyî ya Şah Xalid li Riyadê şermezar kir û got hikûmeta Îraqê li dijî her êrîşekê ye ku sivîl û saziyên sivîl armanc digire, ji ber ku ev kiryar ewlehî û aramiya herêmê dixe metirsiyê. Endamê Meclîsa Şûraya Siûdî gote Dengê Amerîka: Zeydî Sê Peyam bi xwe re anîn Di vê çarçoveyê de, endamê Meclîsa Şûra ya Siûdî Muflih El-Qehtanî gote Dengê Amerîkayê ku serdana Zeydî di demeke pir hestyar de tê kirin û sê peyamên sereke yên ewlehî, aborî û siyasî hildigre. Wî got ku Îraq û Erebistana Siûdî derfetên girîng hene ku hevkariya xwe di warên enerjiyê, weberhênan, veguhestinê û ewlehiyê de pêş bixin, û hêvî kir ku Bexda gavên praktîkî bavêje da ku çek tenê di destê dewletê de bimîne û Îraq bibe pira aramkirinê li herêmê, ne qada hesab pirsînê. Ev serdana Zeydî pêkhat, piştî ku serdana berê ya bo Riyadê di Tîrmeha borî de ji ber zêdebûna girjîyên ewlehiyê yên herêmê hatbû betalkirin. Di wê demê de, êrîşên leşkerî yên Amerîkayê û Sîûdîyê baregehên Heşda Şe'bî li Îraqê kirbûn armac, di nav sedemên sereke yên paşxistina serdanê de bû. Endamê Meclîsa Şûra ya Siûdî Muflih El-Qehtanî tekez kir ku rola ku niha ji Bexdayê tê hêvîkirin ew e ku bibe dewleteke ku biryarên xwe bi serbixwe digire û têkiliyên xwe bi hevsengî bi rê ve bibe, û di herêmê de rola pireke aramkirin û aramê bilîze û ne bibe sedemek ji bo xem an metirsiyê bo welatên Kendavê û cîranên xwe yên Ereb. https://www.dengeamerika.com/a/iraq-saudi-visit/8211167.html https://www.dengeamerika.com/a/iraq-saudi-visit/8211167.html Wed, 14 Oct 2026 18:51:24 +0300 ÎraqRojhilata NavînSerekî voadigital@voanews.com (Semîra Elî Mendî) Mazlum Ebdî dibêje ku mafên Kurdan û peymanên bi Şamê re divê di destûra nû ya Sûrîyê de werin garantî kirin. https://www.dengeamerika.com/a/syria-krg-hewler-meri-kurds/8210863.html https://www.dengeamerika.com/a/syria-krg-hewler-meri-kurds/8210863.html Wed, 14 Oct 2026 00:20:20 +0300 ÎraqHerêmên KurdanSûrîyeSerekî voadigital@voanews.com (Ozlem Yasak, Dengê Amerîka) Konsula Giştî ya Amerîkayê li Herêma Kurdistanê, Wendy Green, roja Sêşemê bi Serokwezîrê Hikûmeta Herêma Kurdistanê, Mesrûr Barzanî re civiya û li ser rewşa giştî ya Herêma Kurdistanê, Îraqê, herêmê, û li ser pêşxistina têkiliyên navbera Hewlêr û Washingtonê axivîn. Li gor daxuyaniya Serokatiya Hikûmeta Herêmê li ser platforma Xê, di civînê de bi taybetî li ser bihêzkirina têkiliyên dostanî û hevkariya stratejîk ya navbera Herêma Kurdistanê û Amerîkayê hate rawestîn. Herdu aliyan li ser pêşxistina bazirganiya hevpar û berfirehkirina derfetên weberhênanên Kopmanyên Amerîkayî li Kurdistanê gotûbêj kirin. Di civînê de girîngiya parastina ewlehî û aramiya Herêma Kurdistanê jî hate destnîşankirin, û herdu aliyan hevra bûn ku çalakkirina Parlemana Kurdistanê gavek bingehîn e ji bo pêşxistina pêvajoya avakirina kabîneya nû ya Hikûmeta Herêmê. Mijara têkiliyên navbera Herêma Kurdistanê û hikûmeta federal a Îraqê jî di nav rojeva civînê de bû. Li gor daxuyaniyê, herdu aliyan bal kişand ser pêdiviya çareserkirina pirsgirêkên navbera herdu aliyan li gor Destûra Îraqê, rêzgirtina statûya destûrî ya Herêma Kurdistanê, parastina mafên darayî yên wê û dabînkirina behra wê ji budceya federalî bi dadperwerane. Hêjayî gotinê ye ku Konsula Giştî ya Amerîkayê li Herêma Kurdistanê, Wendy Green, piştî çend mehên ku ji ber kêşeyên ewlehiyê û alozîyên heyî ji Herêmê dûr mabû, lê niha dîsa vegeriya Hewlêrê. https://www.dengeamerika.com/a/usa-kurdistan-iraq/8210808.html https://www.dengeamerika.com/a/usa-kurdistan-iraq/8210808.html Tue, 13 Oct 2026 20:10:22 +0300 AmerîkaÎraqHerêmên KurdanSerekî Barzanî û Bakirhan bang li hemû alîyan dikin ku piştgirîyê bidin pêvajoya aştiyê ya Tirkîyê û nehêlin ev “derfeta dîrokî” ji dest biçe. https://www.dengeamerika.com/a/bakirhan-barzani-meri-forum-pkk-peace-turkey/8210741.html https://www.dengeamerika.com/a/bakirhan-barzani-meri-forum-pkk-peace-turkey/8210741.html Tue, 13 Oct 2026 16:48:42 +0300 ÎraqHerêmên KurdanTirkîyeSerekî voadigital@voanews.com (Dengê Amerîka) Şandeyê taybet ê Serokê Amerîkayê ji bo Îraq û Sûrîyê Tom Barrack, ku doh gihîştibû Bexdayê, hevdîtinên xwe berdewam dike. Barrack di çarçoveya serdana xwe û hevdîtinan de bal kişand ser girîngîya aramî, hukumdarîya qanûnê û pêşketina hevkarîya navbera Bexda û Washingtonê. Barrack, yekem bi Serokê Civata Bilind a Dadwerî ya Îraq, Fayiq Zeydan re civiya. Wî piştî civînê di platforma X'ê de got ku civîn bi encam bûye û tekez kir ku dadwerîyeke bihêz û serbixwe bingeha serwerîyê, hukumdarîya qanûnê û aramîya ku dikare hêz û şiyanên Îraqê veguherîne pêşketin û dewlemendîyê ye. Li alîyekî din, ofîsa ragihandinê ya Serokwezîrê Îraqê îro ragihand ku Serokwezîr Elî Zeydî êvara Duşemê Tom Barrack pêşwazî kiriye. Li gor daxuyanîyê, di civînê de têkilîyên navbera Îraq û Amerîkayê û rêyên pêşxistina hevkariya hevpar di warên cuda de hatin nirxandin. Herwiha rewşa herêmî û hewildanên ji bo piştgirîkirina ewlehî û aramiya herêmê jî hatin gotûbêjkirin. Barrack piştî hevdîtina xwe bi Zeydî re di peyamekê de li ser X'ê nivîsî ku civîna wan gelek bi encam bûye. Wî got, “Aramî ne mîraseke ku were veguestin, lê ji alîyê wan rêberan ve tê avakirin ku rêya zehmet hilbijêrin.” Şandeyê Amerîkayê herwiha destnîşan kir ku “ewlehîya Îraqê û pêşketina wê, ewlehîya herêmê û pêşketina wê ye” û ji bo rêbertîya Serokwezîr Zeydî û hevkarîya wî spasdarîya xwe anî ziman. Serdana Barrack di demekê de tê piştî bidawîbûna erka leşkerî ya Hevbendîya Navneteweyî li Îraqê û têkilîyên navbera Bexda û Washingtonê dikevin qonaxeke nû, ku tê de herdu welat zêdetir balê dikişînin ser hevkarîya aborî, berjewendîyên hevpar û berdewamîya hevkarîya ewlehîyê. https://www.dengeamerika.com/a/usa-iraq-barrack/8210727.html https://www.dengeamerika.com/a/usa-iraq-barrack/8210727.html Tue, 13 Oct 2026 14:59:45 +0300 AmerîkaÎraqSerekî Bafel Talebanî, Serokê Yekîtiya Niştimanî ya Kurdistanê (YNK)ê, roja Duşemê li Hewlêrê ragihand ku gotûbêj li ser destpêkirina pêvajoyeke aştiyê ya mîna ya li Tirkîyê, di navbera Komara Îslamî ya Îranê û partiyên Kurdistanî yên Îranê de heye. Talebanî di gotareke xwe de roja Duşemê, 12ê Cotmehê, di civîna 'MERI 2026 Forum' de li ser rewşa navxweyî ya Herêma Kurdistanê, pêşhatên herêmî û rewşa Îranê rawesta. Wî got ku wek pêvajoya aştiyê ya li Tirkîyê, ku li gor wî "hemû alî divê piştgirîya wê bikin"، niha jî destpêka gotûbêjeke mîna wê bi "xwişk û birayên me yên Îranî" re hatiye kirin. Talebanî diyar kir ku ev mijar gelek caran li Îranê hatiye behiskirin û got ku aliyê Îranî bi awayekî erênî pêşwaziya vê hizrê kiriye. Li gor Talebanî, Îranê pêşniyar kiriye ku bo avakirina pêvajoyeke aştiyê ya giştî li herêmê hevkarî bikin. Wî got: "Ev diyalog pir girîng e û dikare bibe gaveke baş ji bo çareserkirina pirsgirêkan." Serokê YNK'ê hûrguliyên din li ser vê pêvajoyê nedan û heta niha tu aliyekî din jî agahdarîyeke fermî li ser vê mijarê belav nekiriye. Di beşekî din ji axaftina xwe de, Talebanî got ku peywendiyên partiya wî bi Tirkîyê re baştir bûne û hêvî kir ku Konsûlxaneya Tirkiyê li Silêmaniyê ji nû ve were vekirin. Li ser avakirina hikûmeta nû ya Herêma Kurdistanê jî, Talebanî got ku pirsgirêk ne dem e, belkî çend mijarên bingehîn in ku di navbera YNK û PDK de hene. Wî got: "Em dikarin di 24 demjimêran de hikûmetê ava bikin, ger li ser prensîbên bingehîn li hev werin." Talebanî : Divê siyaseta me li hember Bexdayê were guhartin Derbarê peywendiyên navbera Hikûmeta Herêma Kurdistanê û hikûmeta federal a Îraqê de, Bafel Talebanî got ku pêdivî ye hêzên siyasî yên Kurdistanê siyaseta xwe li hember Bexdayê ji nûve di bin çavan re derbas bike. Wî got, "me Serokwezîrekî baş heye. Ew karsazek e û li hember Kurdan tu cûre cudakirin an nijadperestî nake. Ev derfeteke zêrîn e ji bo Hikûmeta Herêma Kurdistanê û divê ji dest neyê dayîn." Talebanî herwiha got ku Îraqa îro ne wek Îraqa berê ye. Li gorî wî, berê Îraqeke lawaz dikaribû bibe sedemek ji bo Kurdistaneke bihêz, lê îro ev wate guheriyaye. Wî got, "Îro Îraqeke aram, dewlemend û yekgirtî, bi wateya Kurdistaneke aram, dewlemend û yekgirtî ye." https://www.dengeamerika.com/a/iraq-kurdistan-talabani-iran/8210448.html https://www.dengeamerika.com/a/iraq-kurdistan-talabani-iran/8210448.html Mon, 12 Oct 2026 21:50:43 +0300 ÎraqHerêmên KurdanSerekî Berdevkê fermî yê Konferansa Encûmena Wezîrên Karên Derve ya Rêxistina Hevkariya Îslamî, Hesenên Kamil, ragehand ku mêvandariya Bexdayê ji bo 52emîn civîna salane, cih û rola dîplomatîk a Îraqê di asta herêmî û navneteweyî de bihêztir dike. Balyoz Hesenên gote Dengê Amerîkayê ku Wezareta Karên Derve ya Îraqê bi hevkariya aliyên peywendîdar ên hukûmetê re li ser amadekariyên teknîkî, lojîstîkî û ewlehiyê dixebite da ku civîn bi serkeftî di 17 û 18ê vê meha Cotmeha bi encam bibe. Wî diyar kir ku ev civîn piştî 45 salan cara yekem e ku li Bexdayê tê lidarxistin. Dawiya carê paytexta Îraqê di sala 1981an de mêvandariya vê civînê kiribû. Li gorî Hesenên, Îraqê bi mêvandariya vê xulê re dê heta salekê serokatiya Encûmena Wezîrên Karên Derve ya Rêxistina Hevkariya Îslamî bike. Wî got ku ev gava dîplomatîk nîşana vegera Îraqê ye bo rola çalak û bi bandor di mijarên herêmî û navneteweyî de. Balyoz Hesenên herwiha got ku peyama Îraqê eşkere ye, "Bexda platformeke ji bo diyalog, têgihiştin, nêzkîkkirina nêrînên cuda û kêmkirina alozîyan e." Wî dîsan got ku Îraq bang ji bo çareserkirina nakokiyan bi rêya dîplomasiyê û zêdekirina hevkarî û pêşketinê dike, da ku berjewendiyên hevpar ên welatên cîhana îslamî werin parastin. https://www.dengeamerika.com/a/iraq-oic/8210347.html https://www.dengeamerika.com/a/iraq-oic/8210347.html Mon, 12 Oct 2026 21:39:31 +0300 ÎraqSerekî voadigital@voanews.com (Semîra Elî Mendî) Serokê Herêma Kurdistanê Neçîrvan Barzanî, got ku pêşhatên Rojhilata Navîn qonaxeke nû ye li herêmê ku dikare hem metirsî û hem jî derfetê ji bo Kurdan biafirîne. Wî got ku ev qonax dikare rê li ber çareserkirina hin pirsgirêkên Kurdan li parçeyên cuda yên Kurdistanê veke. Serokê Herêma Kurdistanê roja Duşemê, 12ê Cotmehê, di civîna 'MERI 2026 Forum' de got ku her parçeyek ji Kurdistanê li gor şert û merc û taybetmendiyên xwe dikare ji derfetên vê qonaxê sûd werbigire. Barzanî amaje kire bandorên aborî û ewlehiyê yên pêşhatên herêmê û got ku mezintirîn metirsî li ser Îraqê dibe ku aborî be, ji ber ku aboriya welêt piranî bi dahatên petrolê ve girêdayî ye. Wî hişyar da, ku girtina Tengava Hormuzê dikare aboriya Îraqê bi awayekî cidî xerab bike. Neçîrvan Barzanî: Erdoğan û Öcalan dixwazin pêvajoya aştiyê serkeftî be Derbarê pêvajoya aştiyê ya di navbera hikûmeta Tirkîyê û Partiya Karkerên Kurdistanê (PKK) de, Barzanî got ku hem Recep Tayyip Erdoğan û hem jî Abdullah Öcalan vê pêvajoyê bi cidiyet digirin û dixwazin serkeftî bibe. Wî got ku dibe ku pêvajo hêdî pêşve here, lê her du alî jî dixwazin bi ser bikeve. Barzanî, ji bo ravekirina guherîna atmosfera siyasî li Tirkîyê, amaje bi axaftina xwe ya bi Erdoğan re kir û got ku cîhan gelek guherîye. Neçîrvan Barzanî: Divê mafên Kurdan li Sûrîyê di destûrê de bêne parastin Barzanî derbarê rewşa Kurdan li Sûrîyê de got ku berpirsên Rojava ya Kurdistanê ew tişt kirine ku di şert û mercên niha de dikaribûn bikin. Wî got ku modela Herêma Kurdistanê wek herêmek xweser ne dikaribû bi heman awayî li Rojava were sepandin. Barzanî herwiha got ku bi baweriya wî, Serokê Sûrîyê Ehmed Şer‘e helwesteke dijî Kurdan tune ye. Wî diyar kir ku pirsgirêka sereke ew e ku mafên Kurdan di destûra Sûrîyê de bêne parastin û wek mafên pêkhateyên din ên civaka Sûrîyê bêne nasîn. Barzanî herwiha amaje bi serdana şandeke Herêma Kurdistanê ya bo Sûrîyê kir û got ku di wê serdanê de gelek nîşanên kurdî hatin bikaranîn, ku li gor gotina wî peyameke erênî li hember Kurdan bû. Barzanî: Partîyên Rojhilatê bi awayekî neberpirsiyarane tevgeriyan e Di derbarê rewşa Îranê û aliyên kurdî yên dijberî Komara Îslamî de, Barzanî bi tundî rexne li tevgerên wan kir û got ku gelek caran bi awayekî neberpirsyarane tevgeriyane. Wî got ku van tevgeran Herêma Kurdistanê xistiye nav şert û mercên zehmet. Her çend Herêmê gelek caran gotiye ku naxwaze bibe beşek ji şerê di navbera Îran û Amerîkayê de, lê hin aliyên kurdî ev helwest paşguh kiriye. Barzanî bal kişand ku Îran cîrana Herêma Kurdistanê ye û divê axa Herêmê weke gef li dijî Îranê neyê bikaranîn. Wî got ku ji rojên yekem ve helwesta Partiya Demokrat a Kurdistanê û Yekîtiya Niştimanî ya Kurdistanê di vê mijarê de zelal bûye û ji bo parastina sînoran hêz hatine şandin da ku Herêm nekeve nav şerî. Barzanî got ku niha parastina Herêma Kurdistanê û sînorên wê li pêşya her tiştî ne. Di heman demê de, wî got ku derfet jî ji bo Kurdên Rojhilatê Kurdistanê heye. Li gor gotinên wî, di civînên cûrbicûr de bi aliyên Îranî re pirsa Kurdan hatiye gotûbêjkirin. Barzanî got dibe ku hêj pêvajoyeke wek pêvajoya aştiyê ya Tirkîyê li Îranê destpê nekir be, lê ev hizir hatîye behskirin. Wî bal kişand ku divê aliyên kurdî û hikûmeta Îranê rêyekê bibînin da ku pirsgirêkên xwe bi awayekî aştiyane çareser bikin. https://www.dengeamerika.com/a/kurdistan-barzani/8210408.html https://www.dengeamerika.com/a/kurdistan-barzani/8210408.html Mon, 12 Oct 2026 20:59:08 +0300 ÎraqHerêmên KurdanSerekî Nûnerê Taybet ê Serokê Amerîkayê ji bo karûbarên Îraq û Sûriyê û Balyozê Amerîkayê li Tirkiyeyê, Tom Barrack, Îro roja Duşemê seredana Îraqê kir. Di peyamekê de li ser platforma Xê Barrack ragihand ku ew li Îraqê serdana Steve Fagin, Karbirêkarê Balyozxaneya Amerîkayê kir. Barrack got ku Steven Fagin bi saya tecrûbeya xwe ya dirêj li Îraqê û welatên herêmê, kesekî guncaw e ji bo pêşvebirina armancên siyasî yên Serokê Amerîkayê Donald Trump. Wî herwiha bal kişand ser girîngiya serokatiya rast di qonaxekê de ku têkiliyên Washington û Bexdayê guherînekê dibînin. Li gorî gotinên wî, Amerîka û Îraq êdî tenê li ser hevkariya ewlehîyê nesekinîn, lê dixwazin têkiliyek berfirehtir ava bikin ku bingeha wê hevkariya aborî û berjewendiyên hevpar be. Barrack got ku ev qonax dikare rê li ber pêşxistina têkiliyên herdu welatan veke û bibe sedema zêdekirina hevkariyê di gelek waran de, bi taybetî di warên aborî û weberhênanê de. https://www.dengeamerika.com/a/iraq-usa-barrack/8210323.html https://www.dengeamerika.com/a/iraq-usa-barrack/8210323.html Mon, 12 Oct 2026 18:56:34 +0300 AmerîkaÎraqSerekî PKK’ê di 12’ê Gulana 2025'an de hilweşîn û bidawîanîna têkoşîna çekdarî ragihandibû. https://www.dengeamerika.com/a/turkey-pkk-peace-kurds/8210334.html https://www.dengeamerika.com/a/turkey-pkk-peace-kurds/8210334.html Mon, 12 Oct 2026 17:15:23 +0300 TirkîyeÎraqHerêmên KurdanSerekî voadigital@voanews.com (Ozlem Yasak) Enqere YBŞ’ê wek pêkhateyeke Partîya Karkerên Kurdistanê, (PKK) ya hilweşî dibîne. https://www.dengeamerika.com/a/turkey-iraq-ybs-kurds/8209096.html https://www.dengeamerika.com/a/turkey-iraq-ybs-kurds/8209096.html Thu, 08 Oct 2026 20:00:51 +0300 TirkîyeÎraqHerêmên KurdanSerekî voadigital@voanews.com (Dengê Amerîka) Banka Navendî ya Îraqê ragihand ku ji roja Çarşemê, 7'ê Cotmeha 2026'an ve, dê nirxê fermî yê dînarê Îraqî li hember dolarê Amerîkî bihête guhertin. Bankê got ku ev biryar ji ber şert û mercên aborî û darayî yên niha û li ser pêşniyara Encûmena Wezîran hatiye dayîn. Li gorî buhayên nû ji îro pê ve, Banka Navendî dê dolar ji Wezareta Darayî bi 1,500 dînaran bikire, ji bankan re bi 1,510 dînaran bifroşe û buhayê firotina dolar ji bo gel dê 1,520 dînar be. Berî vê biryarê, nirxê firotina yek dolar ji bo welatîyan 1,320 dînar bû. Li gorî nirxê nû, her dolarek dê bi 1,520 dinaran bê firotin. Bi vê guhertinê, dînarê Îraqî li hember dolarê nêzî 13.2 % ji nirxa xwe winda dike. Banka Navendî dibêje rezervên wê yên pereyên biyanî têr in ji bo dabînkirina hemû daxwazên pereyên biyanî, di nav de fînansekirina bazirganîya derveyî, kartên bankî li derveyî welat û firotina dolarê ji rêwîyan re. Mezher Mihemed Salih, şêwirmendê darayî û aborî yê serokwezîrê Îraqê, gote Dengê Amerîka ku îstiqrara nirxê dînarê Îraqî bi dabînkirina pereyên biyanî û şiyana aborîya Îraqê ya fînansekirina bazirganîya derveyî ve girêdayî ye. Salih diyar kir ku "şert û mercên herêmî û navneteweyî, bi taybetî pevçûn û alozîyên li herêmê û bandora wan li ser derbasbûna petrolê ji Tengava Hormuzê, dikarin bandorê li ser dahatên petrolê, budceya giştî û herikîna pereyên biyanî bikin." Li gor Salih, tedbîrên darayî, bacî û gumrikê yên ku niha tên girtin ji alîyê hikumetê ve, tedbîrên pêşîlêgirtinê ne û siyaseta diravî dê bazara pereyên biyanî bi rê ve bibe û dabînkirina dolar ji bo fînansekirina bazirganîya derveyî bidomîne. Li heman demê de, siyaseta darayî dê bi rêvebirina xerckirina hikûmetê, dahatan û bacan hewl bide bandora şokên derveyî kêm bike. Derbarê bandora biryara daxistina nirxê dînar li ser welatîyan, Salih got, "hikûmet dê xerckirinê ji bo xwarin, derman, sotemenî û xizmetên bingehîn bidomîne, da ku bandora zêdebûna bihayan li ser hêza kirînê ya welatîyan kêm bike." Biryara bilindkirinanirxê dolarê Amerîkî li Parlamana Îraqê rastî nerazîbûna parlamenteran hat. Hejmarek parlamenteran dest bi komkirina îmzeyan kirin ji bo betalkirina biryarê, û parlamanê rojeva civîna xwe ya îro Çarşemê paş xist da ku mijara nirxê dolarî were gotûbêj. Serokatîya Parlemena Îraqê paşê civîn rakir û Heybet Halbûsî, serokê parlemanê, daxwaz kir ku sibeha roja Pêncşemê Hakimê Banka Navendî û Wezîrê Darayî werin parlemanê, da ku sedemên bilindkirina nirxê dolar û encamên wê yên aborî û darayî bên danûstandinkirin. Birayara kêmkirina nirxê dînar hêrsa raya giştî derxist holê û bû sedema girtina hin bazar, dikan û ofîsên firotin p kirîna diravî li Bexdayê û çend parêzgehan, ku ev yek hevdem bû bi bilindbûna nirxê dolar li bazaran bo dora 1,800 dînarî. Lê Banka Navendî ya Îraqê dibêje guhertina nirxê dînar dikare piştgirîyê bide hilberîna navxweyî û pîşesazîya herêmî, pêşbazîya berhemên Îraqî, weberhênanê li sektorên ne-petrolî han bide û derfetên karê nû biafirîne. https://www.dengeamerika.com/a/iraq-dollar/8208699.html https://www.dengeamerika.com/a/iraq-dollar/8208699.html Wed, 07 Oct 2026 17:26:11 +0300 ÎraqSerekî voadigital@voanews.com (Semîra Elî Mendî) Temamkirina kabîneya Serokwezîrê Elî Zeydî piştî çend mehan ji avakirina hikûmetê hîn jî nehatiye dawîkirin. Parlamana Îraqê di 14'ê Gulanê de bawerî da hikûmeta Zeydî û 14 wezîrên wê, lê ji 23 wezaretan 9 wezaret bê wezîr man, di nav wan de wezaretên navxweyî û berevanîyê. Di heman demê de, pêvajoya temamkirina kabîneyê bi gotûbêjên siyasî û nakokîyên li ser navên namzedan re rû bi rû ye. Di destpêka pêvajoyê de jî, Washingtonê li dijî dayîna hin postên hikûmetê ji kesayetî an alîyên siyasî yên ku bi komên çekdar ên girêdayî Îranê re têkildar in, nerazîbûna xwe nîşan dabû. Endamê Komîteya Ewlehî û Berevanîyê ya Parlamana Îraqê, got ku Yasir Eskender Witwit, Serokwezîr Elî Zeydî û serokên blokên siyasî bi biryar in ku kabîneya wezîran temam bikin. Witwit ji Dengê Amerîka re got ku di navbera blokên siyasî de li ser temamkirina kabîneyê lihevhatin heye û hêvî dike ku pêkhateya kabîneyê roja pêncşemê bihêt bê temamkirin. Lê Samî Oşana, endamê parlamana Îraqê de, got ku nakokî niha li ser navên namzedên wezaretan e, ne li ser dabeşkirina wezaretan li ser blokên siyasî. Li gorî pêşbîniya wî, heke roja pêncşemê dengdan li ser wezaretên mayî nebe, dibe ku temamkirina kabîneyê were paşxistin bû hefteya bê. Oşana, endamê bloka "Suyana" a Krîstîyanî di parlamana Îraqê de, got ku bloka wî daxwaza Wezareta Koçber û Penaberan dike, ji ber ku ew vê wezaretê wekî mafê Krîstîyanan dibînin. Oşana diyar kir ku ji pênc parlamenterên Krîstiyanî yên parlemena Îraqê, sê ji bloka wî ne û ji ber vê yekê ew bawer dikin ku mafê wan e ku Wezareta Koçber û Penaberan bigihêje bloka wan. Di vê çarçoveyê de, Adil El-Manea, yek ji rêberên Koalisyona Dewleta Qanûnê, ji Dengê Amerîkayê re got ku danûstandin di navbera blokên siyasî de ji bo temamkirina kabîneya wezîran heta dawîya roja Sêşemê berdewam kirin. El-Manea diyar kir ku, li gorî agahiyên heyî, dosyaya temamkirina kabîneya wezîran nêzîkî dawiyê bûye û tê pêşbînî kirin roja pêncşemê, di civîna Parlamana Îraqê de, li ser wezaretên mayî deng bê dayîn. Sîyasetmedar Samî El-Cîzanî ku rêbereke ji Tevgera El-Hikme gote Dengê Amerîkayê ku nakokî li ser navên namzedên wezaretên ewlehiyê, bi taybetî namzedê Wezareta Navxweyî, hîn berdewam dikin. Li gorî wî, di nav Çarçoveya Hemahengiya Şî'ayan de jî li ser tayînkirina cîgirên serokwezîr nêrînên cuda hene. Hin alî piştgiriyê didin tayînkirina cîgiran, lê aliyên din dibêjin ku ev yek dê bibe sedema zêdebûna lêçûnên hikûmetê. Cizanî got ku heta niha navên namzedên wezaretan bi tevahî nehatiye diyarkirin û Dewleta Qanûnê li ser namzedê xwe ji bo Wezareta Navxweyî israr dike. Di nav postên wezaretan ên ku hîna vala ne an jî heta niha bi awayekî dawî li ser wan lihevkirin çênebûye de, Wezaretên Berevaniyê, Navxweyî, Plansazî, Xwendina Bilind, Koçberiyê, Avakirin û Niştecîkirinê, Ciwan û Werzişê, Kar û Çandê hene. Sîyasetmedar Samî El-Cîzanî dibêje ku biryara dawî li ser namzedan dê bi helwesta Serokwezîr Elî Zeydî ve girêdayî be, ji ber ku kesên ku ji bo van postan tên hilbijartin dê di qonaxa bê de beşek ji tîmê wî yê hikûmetê bin. https://www.dengeamerika.com/a/iraq-government/8208346.html https://www.dengeamerika.com/a/iraq-government/8208346.html Tue, 06 Oct 2026 19:31:23 +0300 ÎraqSerekî voadigital@voanews.com (Semîra Elî Mendî) Berdevkê Fermandarê Giştî yê Hêzên Çekdarî yê Îraqê, Sabah Nu’man, îro Yekşemê ragihand ku serokwezîr û fermandarê giştî yê hêzên çekdarî, Elî Zaydî, ferman daye ku komîteyek vekolînê bê avakirin, da ku li ser hûrgilîyên bûyera ku di yek ji pêşandanên çalakîyên “Roja Serwerîyê” de li hember ala ya Amerîkayê rû da, lêkolînê bike. Li gor daxuyanîya li ser malpera X'ê hat wişandin, Serokwezîr Zeydî ev kiryar şermezar kir û bal kişand ser pêdiviya rêzgirtina yasa û kevneşopiyên dîplomatîk. Herwiha, wî ferman da ku li dijî kesên ku ev kiryarê kirine, gavên yasayî yên pêwîst bên avêtin û lêkolîn di demeke herî kurt de bê temamkirin û encamên wê bên radestkirin. Ev biryar piştî hat wergirtin piştî belavbûna hin wêneyan, ku tê de wesayît di dema merasîmeke leşkerî de li Bexdayê di ser ala Amerîkayê re derbas dibin. Ev bêrêzî ji alîyê Endamê Kongrêsa Amerîkayê yê Komarî Joe Wilson bi tundî hate rexnekirin. Wilson roja Yekşemê li ser X'ê got ku Hêzên Heşda Şe'bî, ku beşek ji sazîyên ewlehîyê yên Îraqê ne, di pêşandanê de bêrêzî li ala Amerîkayê kirine. Wî herwiha rexne li bandora Îranê li Îraqê girt. Wilson di peyama xwe de ew wêne parve kirin û got,“Heke hûn hîn jî belgeyeke din dixwazin ku Îraq parêzgeheke Îranê ye...”. Wî asterast pirs ji rayedarên Îraqî kir ka gelo ev helwesta wan li hember Amerîkayê ye. Di dawiya peyama xwe de wî nivîsî:“Îraq ji Îranê azad bikin.” https://www.dengeamerika.com/a/iraq-us-flag-pmf/8207554.html https://www.dengeamerika.com/a/iraq-us-flag-pmf/8207554.html Sun, 04 Oct 2026 15:44:24 +0300 AmerîkaÎraqSerekî Wezarê Derve ya Amerîkayê Marco Rubio bi navê Amerîkayê Roja Niştimanî ya Îraqê, ku dikeve îro Şemîyê 3'ê Cotmehê, li gelê Îraqê pîroz kir. Rubio di daxuyanîyekê de got: “Serdana Serokwezîr Elî Zeydî ya bo Washingtonê di Tîrmehê de û hevdîtina wî ya bi Serok Trump re li Koşka Spî, hevalbendîya nêzîk a di navbera herdu gelên me û pabendbûna me ya hevpar de bo siberojeke bihêz û geş piştrast kir.” Di dirêjahîya daxuyanîyê de Rubio diyar kir ku “Hevparîyên aborî yên dîrokî ku di dema serdanê de hatin ragihandin, binesazîya mezin a hevkarîya di navbera karsazên Amerîkî û Îraqî de zêdetir nîşan didin.” Wezîrê Derve yê Amerîka herwiha got ku ew pêşwazîyê li hewldanên Îraqê dike ji bo bihêzkirina serwerîya Îraqê û beşdarbûna di warê ewlehî û aramîya li seranserê herêmê de. "Di vê Roja Niştimanî de, em dîrok, berxwedan û destkeftên gelê Îraqê pîroz dikin û bi hêvîya pêşveçûna berdewam û hevkarîya di navbera herdu welatên me de ne. Em pîrozbahîya germ pêşkêşî gelê Îraqê dikin, di demekê de ku ew vê bûyera girîng bi bîr tînin," Rubio got. Ev daxuyanî tên sê rojan piştî ku Koalisyona Navneteweyî bi serkêşîya Amerîkayê bi awayekî fermî bidawîbûna erkê xwe û vekişîna hêzên xwe ji Îraqê ragihand. https://www.dengeamerika.com/a/usa-iraq-/8207391.html https://www.dengeamerika.com/a/usa-iraq-/8207391.html Sat, 03 Oct 2026 18:48:22 +0300 AmerîkaÎraqSerekî voadigital@voanews.com (Dengê Amerîka) Îraq û Tirkîyê dest bi danûstandinan derbarê peymaneke çarçoveyî ji bo hevkarîyê di warê petrol û gazê de kir. Ajansa nûçeyan a fermî ya Îraqê ragihand ku Wezîrê Petrolê yê Îraqê Basim Mihemed Xidir û Wezîrê Enerjî û Çavkanîyên Xwezayî yê Tirkîyê Alp Arslan Bayraktar do Înê li Enqerê civîyan. Wezareta Petrolê ya Îraqê ragihand ku di civînê de nexşerêyeke pêşniyarkirî ji bo xurtkirina hevkarîya dualî di pêşxistina binesazîya petrol û gazê, pîşesazîya petrokîmyayî û bazirganîya enerjîyê de hate nirxandin. Ev hewldana ji bo hevkarîyeke stratejîk, piştî astengîya giran ya li ser hinardekirina petrola Îraqê tê ku bi rêjeya pirtir ji 80% kêm bû, piştî girtina Tengava Hormuzê ji ber şerê Amerîka û Îranê. Di meha Tebaxê de, peymanek bo dema salekê di navbera Kompanîya Botaş a Tirkîyê û kompanîyên petrolê yên Îraqê de ji bo zêdekirina hinardekirina petrola xav bi rêya borîya Kerkûk-Ceyhanê hate îmzekirin. Serokwezîrê Îraqê Elî Zeydî gotibû ku herdu hikûmet kar ji bo temamkirina rêkeftineke berfireh di warê petrol, elektrîk, çavkanîyên avê û warên din yên hevkarîyê de dikin. https://www.dengeamerika.com/a/iraq-turkey-oil-/8207369.html https://www.dengeamerika.com/a/iraq-turkey-oil-/8207369.html Sat, 03 Oct 2026 15:36:29 +0300 ÎraqTirkîyeSerekî voadigital@voanews.com (Dengê Amerîka) Washington — Wezîrê Derve yê Îraqê Fuad Husên ji Washington ragihand ku parastina Herêma Kurdistanê berpirsyarîya rasterast a hikûmeta federal a Îraqê ye. Di rûniştinekê de li Balyozxaneya Îraqî li Washingtonê ligel komeke rojnamevanan, Husên diyar kir ku plana hikûmeta Îraqê ji bo komkirina çekan di bin kontrola dewletê de û bêçekkirina grûpên çekdar dê heta Hezîrana sala 2027’an berdewam bike. Wî zelal kir ku hûrgiliyên planê ronî ne û dê di nav qonaxan de werin ragihandin. Karbidestê Kurd diyar kir ku koma Ewfîya el Allah piştgirîya xwe ji bo plana hikûmetê ragihandiye û pêkanîna wê jixwe destpê kiriye. Wî tekez kir ku piranîya rêber û partîyên siyasî yên Îraqî piştgiriyê didin vê pêngavê. Ewlehiya deverên nakokî û hevkariya ligel Pêşmerge Di bersiva pirseke Dengê Amerîka de derbarê rewşa deverên di navbera Hewlêr û Bexdayê de nemaze li Kerkûk, Diyala, Selahedîn û Nînewayê, Husên piştrast kir ku bi hefteyan e danûstandinên berfireh di navbera hêzên Pêşmerge û hêzên Îraqî de berdewam dikin da ku kontrola van deveran misoger bikin û pêşî li vegera Daîşê bigirin. Wezîrê Derve yê Îraqê bal kişand ser hevdîtinên leşkerî û got: "Di sê hefteyên borî de di navbera her du alîyan de civînên dijwar hebûn, û ev dê di hefteyên pêş de jî berdewam bikin da ku li ser mijarên hevpar gotûbêj bikin; nemaze piştî ku berî du hefteyan li wan deveran êrîşek Daîş’ê pêk hat." Derbarê ewlekarîya Herêma Kurdistan, Husên got: "Berpirsyarîya hikûmeta Îraqê ye ku Kurdistanê biparêze, û herweha berpirsyarîya hêzên Pêşmerge ye. Her êrîşeke ku her herêmeke Îraqê bike armanc, berpirsyarîya hikûmetê ye hemû deveran biparêze." Di rojeva serdana xwe de, Wezîr Husên îro Pênçîemê bi berpirsên Xezîneyê yê Amerîkayê re dicive, ji bo gotûbêjkirina doseya cezayên li ser Îranê, ê misogerkirina berdewamkirina îstîsnayên enerjiyê yên Îraqê, û her weha mijara sînorkirinên dawî yên li ser geştên asmanî. Wezîrê Derve yê Îraqê piştî beşdarbûna civînên Civata Giştî ya Neteweyên Yekbûyî yên li New Yorkê, li Washingtonê hevdîtinên xwe bi rayedar û navendên lêkolînê re yên ser soberoja têkilîyên Amerîka û Îraqê berdewam bike. https://www.dengeamerika.com/a/iraq-usa-fm-visit-iran/8206787.html https://www.dengeamerika.com/a/iraq-usa-fm-visit-iran/8206787.html Thu, 01 Oct 2026 22:15:09 +0300 ÎraqHerêmên KurdanAmerîkaSerekî voadigital@voanews.com (Semîra Elî Mendî) Artêşa Tirkîyê ji 2015’an û vir ve bingeha Başîka-Zilkan hêzên xwe bi cîh kîrîye û wê bingehê bi kar tîne. https://www.dengeamerika.com/a/bashika-zidkan-iraq-turkey/8206636.html https://www.dengeamerika.com/a/bashika-zidkan-iraq-turkey/8206636.html Thu, 01 Oct 2026 16:37:58 +0300 TirkîyeÎraqHerêmên KurdanSerekî voadigital@voanews.com (Dengê Amerîka) Serokê Amerîkayê Donald Trump bidawîbûna erkê koalisyona navneteweyî û vekişîna hêzên Amerîkayê ji Îraqê wekî "serkeftineke dîrokî" ji bo Amerîka û Îraqê binav kir û piştevanîya xwe ya tevahî ji bo Serokwezîr Elî Zeydî ragihand. Trump di peyamekê li ser "Truth Social" de got ku "bi hêvî me Zedî bikaribe karên pir baş pêk bîne." Li alîyê din, Zeydî destpêkirina "qonaxa nû ya serwerîya Îraqê" ragihand. Biryar ew bû ku 30’ê Îlona 2026’an bibûya bersiveke zelal ji bo derketina hêzên Hevpeymanîyê û bêçekkirina grûpên çekdar, da ku Îraq di 1’ê Cotmehê de derbasî qonaxa nû ya serwerîyê biba. Lê grûpên çekdar ên Îraqî ku ser bi Îranê ve ne gefên tund li hikûmeta Zeydî û Amerîkayê kirin. Ketayib Hizbullah gumanê di vekişîna hêzên Amerîkî de dike û îdîa dike ku hêzên Amerîkî hîn jî li esmanê Îraqê difirin. Berpirsê ewlehiyê yê grûpê, Ebû Mucahid el-Assaf hişyarî da ku eger Serokwezîr Zeydî hevkarîya Amerîkayê berdewam bike, ewê hewla rûxandina hikûmeta wî bidin û li firokeyan bidin. Ji alîyê din ve, rêberê olî yê Şî’a Muqteda Sedir hilweşandina grûpa "Lîwa El-Yewm El-Mew'ûd" ragihand, daxwaza qerebûkirinê ji Amerîkayê kir û hişyarî da welatên cîran ku destwerdanê di karûbarên Îraqê de nekin. Di heman demê de, "Berxwedana Îslamî" ragihand ku çekên wan dê di destê wan de bimînin û grûpa "Eshab el-Kehf" jî gefa lêdana her firokeyeke Amerîkî xwar. Hikumeta Zeydî, 30'ê Hezîrana 2027'an wekî dema dawî ya nû destnîşan kir ji bo komên çekdar çekên xwe radestî dewletê bikin. Ev daxuyanî rojekê piştî bidawîbûna erkê Koalisyona bi pêşengîya Washingtonê li Îraqê hate dayîn. Joey Hood, dîplomatê Amerîkî yê berê ku demekê karbirêkarê Balyozxaneya Amerîkayê li Bexdayê bû, ji Dengê Amerîka re got ku helwesta hin grûpên çekdar ne surprîz e. Li gor nirxandina Hood, ev komên çekdar ku ji alîyê Îranê ve hatine damezrandin, çekdarkirin, perwerdekirin û fînansekirin, dê red bikin ku biryarên hikûmeta Îraqê bicîh bînin. "Ew guh nadin Bexdayê, ew guh didin Tehranê." Derbarê daxuyanîyên van koman ku çekên wan dê heta dawîbûna şerê Îsraîl û Filistînê di destê wan de bimînin, Hood got ku Washingtonê vê behaneyê qebûl nake. Hood: Pêşmerge û hêzên Îraqî dikarin li dijî komên çekdar rawestin Dîplomatê berê yê Amerîkî got ku hêzên ewlekarîya Îraqê û Pêşmerge karîbûn Daişê têk bibin, ew dikarin bi komên çekdar ên biçûk re jî serederîyê bikin, bi taybetî heke piştgirîya gelê Îraqê hebe. Hood diyar kir ku pirsa sereke ew e ka dê serokên partîyên siyasî li Bexdayê kontrola welatê xwe bi dest ve bigirin, an dê bihêlin ku welat ji alîyê cîranekî mezin û bihêz ve bibe dîl? “Bi eşkereyî, hin ji van komên çekdar wê teslîm nebin, heta bi paldana siyasî an jî gefa bikaranîna hêza leşkerî re. Ji ber vê yekê, Serokwezîrê Îraqê divê her tiştê ku dikare bike, bi alîkarîya heman komên alîkarîya hikumetê kirin li dijî Daiş'ê, da ku van koman veqetîne û lawaz bike. Paşê, eger pêwîst be, ew dikare hêzên ewlekarîya xwe yên herî bihêz bişîne da ku van kes û koman bigrin û radestî dadgehê bikin." Hood girîngîya hevkarîya di navbera Herêma Kurdistanê û hikûmeta federal de, bi taybetî di navbera Artêşa Îraqê û Pêşmerge de, destnîşan kir. Wî tekez kir ku siberoja Îraqê bi kalîteya hevkarîya di navbera Bexda û Hewlêrê de girêdayî ye. Li gor Hood, heke Îraq yekgirtî be, dê bihêz be. Lê heke di navbera alîyan de dabeşbûn hebe, Tehran dikare ji van nakokîyan sûdê bigire. Hood herwiha bal kişand ser deverên nakokî li derdora Herêma Kurdistanê û got ku Bexda û Hewlêr divê li ser ewlehî û hevkarîya li van deveran zêdetir bixebitin û divê hêz û enerjîya xwe li van deveran kom bikin da ku nehêlin Îranê tu derîyekî ketinê an jî bingeheke desthelatdarîyê li Îraqê peyda bike. https://www.dengeamerika.com/a/iraq-usa-iran/8206632.html https://www.dengeamerika.com/a/iraq-usa-iran/8206632.html Thu, 01 Oct 2026 16:19:04 +0300 AmerîkaÎraqSerekî voadigital@voanews.com (Semîra Elî Mendî)