Rêvebirîya Rewşa Awarte û Felaketê (AFAD) ya Tirkîyê ragihand ku îro Pêncşemê li Tokat ya li bakurê welêt erdhejeke bi mezinîya 5,6 çêbûye.
AFAD’ê dîyar kir ku navenda erdhejê Sulusaray e û erdhej li 5,25 kîlometre kûrahîyê hatiye tomar kirin.
Wezîrê Navxweyî yê Tirkîyê Alî Yerlîkaya got ku walîyê Tokatê û AFAD û sazîyên din yên peywendîdar ser erdhej û bandorên wê vekolînê dikin.
Yerlîkaya dîyar kir ku erdhej li Samsun, Yozgat, Çankiri û Çorumê jî hatiye hîs kirin.
Li Tokatê bi saeta herêmî di 01:06 de erdhejek çêbûbû.
Yerlîkaya piştî wê erdhejê dîyar kiribû ku li herêmê ti xisar çênebûye.
Jêder: