Berdevkê Yekîneyên Parastina Gel (YPG) ji Dengê Amerîka re piştrast kir ku hêzên wan û yên Burkan al Firat bajarokê Ain Îsa (Kanîya Bozan) ya stratejîk bi tevahî kontrol kir.
Birêz Xelîl got, ev serkeftin têkçûneke mezin e ji DAIŞ re, jiber ku Ain Îsa li ser rêya navdewletî ye û bajarê Raqqa bi Girê Spî û Heleb û Hesekê re girê dide.
"Rêxistina terorîst DAIŞ di van rojên dawî de darbeyên mezin xwar û hember pêşveçûna YPG'ê pir şaş maye. Emê di rojên pêş de şerê xwe yê dijî wê rêxistinê bidomînin."