Yeşem, 21 Meha Neh, 2014 Demê Xwecihî 10:05

Tirkîye

Partîyên Sîyasî Jiber Êrîşa Parlamentarên BDP’ê Hevdu Sûcdar Dikin

x
Êrîşa komên neteweperest ku li dijî parlamanterên Partîya Aştî û Demokrasîyê (BDP) li bajarê Sînop'ê pêk hat, wekî babeta sereke li rojeva Tirkîyê tê nîqaş kirin.

Karbidestên partîyên sîyasî yên li Tirkîyê piştî dengvedana li bîragiştî ya êrîş û protestoyên li dijî parlamanterên BDP’ê hevdu sûcdar dikin. 

Serokwezîrê Tirkîyê Recep Tayyîp Erdogan, Partîya Tevgera Neteweperwer (MHP) û Partîya Gel ya Komarî (CHP) jiber ku bûne sedem ji van rûdanan re tawanbar dike. Ew, dide xuya kirin, grubên ji MHP û CHP’ê di nav wê provokasyonê de cî girtine.

Hevseroka BDP’ê Gultan Kişanak jî dide zanîn, pêvajoya çareserkirina pirsa Kurd tenê bi gotinên şîrîn pêş nakeve. Xanim Kişanak dîyar dike, jiber ku pêşîya êrîşan nehatîye girtin, karbidestên herêmî û navendî sûcdar in.

Parlamanterê BDP’ê yê Dîyarbekirê Altan Tan jî li parlamenê pirsan li Serokê Parlamenê Cemîl Çîçek dike û dibêje, ‘Birêz Serokê Meclîsê çaxê 4 parlamanter dihatin lînç kirin, tu li ku derê bûyî?’

Parlamanterê BDP’ê yê Stenbolê Sirri Sureya Onder ku di nav şandeyê de cî digire, taybetî daxuyanîyên şaredarê Sînop’ê yê CHP’yî Bakî Ergul wekî sedema provokasyonê nîşan dide ku berîya serdana wan li rojnameyên herêmî hatibûn weşandin.
ST_2_20_13
ST_2_20_13i
|| 0:00:00
...
 
🔇
X
Ev forume hate girtin.
Şîrove
     
Ev forume nehatîye şîrove kirin. Bibe yekemîn kes ku vê forumê şîrove bikî.

Nûtirîn VÎdyo

JavaScript a te hatîye girtin yan cûrê Adobe's Flash Player a te kevin e. Flash player a herî nû bidest bixe.
Kurd Connection # 123i
|| 0:00:00
...
 
🔇
X
15.09.2014 13:41