Pisporê Rojhilata Navîn, lêkolîner Cengîz Çandar, ku niha wek mamostayê mêvan li Swêdê dijî, derheqa krîza navbera Tirkîye û Swêdê bersîva pirsên Dengê Amerîka dide.
Çandar dibêje ku daxwazên Tirkîyê yên ji Swêdê ne rastbîn in jiber ku Enqere dixwaze YPG têkeve lîste terorîstan û Stockholm peywendîya xwe bi Kurdên Sûrîyê re qut bike.
"Dîsa, Tirkîyê lîsteke navan daye Swêdê ku radestkirina nêzî 27 kesan dixwaze. Hinek ji wan kesan mirî ne, hinek ji wan qet nehatine Swêdê. Ez hinek ji wan nas dikim. Ne pêkan e ku hikûmeta Swêdî hemwelatîyên xwe radestî dewleteke din bike."
Çandar bawer dike ku di warê qedexeya firotina çekan ji Tirkîyê re de hin pêşketin çêbin û ew qedexe dikare rabe.