Li Rojava bi sedan rojnamevan hene ku di gelek sazîyan de dixebitin. Em bi hinek rojnamevanên li Qamişlo re peyîvîn ku bizanin di çi şertan de karê xwe dikin.
Ekrem Salih ku nûçegihanê Orient News e, dibêje astengîya sereke girêdana kanalên ragihandinê bi partîyên sîyasî ve ye.
Axîn Esed di radyoya Rozana de, bi zimanê Erebî kar dike û rexne dike ku mafê destxistina agahîyan ne parastî ye.
Ciwan Teter ku berî niha li ser destê cendermeyên Tirk hatibû lêdan, tîne ziman çawa rêxistinên mafê mirovan û sazîyên mafê rojnamevan xwedî li wan dernakevin.
Cîhad Derwîş ku xwedî nerîneke cuda ye, dibêje rojnamevan bi xwe dibe sedema astengîyê di rêya kar xwe de.
