Çekdarên Dewleta Îslamî (Daîş) êrîşeke berfireh bi ser başûr û başûr rojavayê Kerkûkê kirin û li heman demê kirdareke terorîstî li navenda bajêr pêk anîn, lê hêzên Pêşmerge tevaya wan deveran careke din kontrol kirin.
Di hevpeyvînekê de ligel Dengê Amerîka sernivîskarê malpera Kirkuk Now Şoreş Xalid dibêje, êrîşa çekdarên Daîşê û kirdara terorîstî di nav Kerkûkê de rêkxistî bû û bi merema diyarkirina şîyanên xwe bû û herwisa peyama wan ew bû ku Daîş hinek berjwendiyên abûrî hene û dixwaze wan biparêze.
Birêz Xalid herwiha got, hemahengiya lawaz li nav ber hêzên Kurdan bandoreke xirab li ser berokên şerî kiriye û gereke hêzên parastina Kurdan vekolînên zortir li ser penaber û xelkê biyanî yên li nv Kerkûkê bikin jibo parastina zêdetir ya xelkê deverê.
