Partîya Demokratîk ya Gelan (HDP) bo malbatên leşkerên Tirk yên li Îdlibê hatine kuştin sersaxî xwest.
Di daxuyanîya nivîskî ya HDP’ê de, ku li ser navê hevserokên partîyê Pervîn Buldan û Mîthat Sancar hat belavkirin, banga aştî û dîyalogê derket pêş.
‘’Em careke din dibêjin ku bo ew rewşa lihevketî ya şer ya li Rojhilat Navîn bi dawî bibe, bo aştîya herêmî çêbe, rêka rast dîyalog û danûstandin e.’’ di daxuyanîyê de hat gotin.
HDP’ê desthilata Tirkîyê ser agahdarnekirina parlamanê rexne kir û xwest ku kombûna awarte çêbe.
Wê partîyê da zanîn ku bo vegerîna ji rêka şaş ne dereng e û bang li hemî hêzên berevanîya aştîyê dikin ku dijî şer berpirsîyan bigirin ser milên xwe.
Li gor daxuyanîya karbidestên Tirkîyê, di êrîşên li Îdlibê de, 33 leşkerên Tirk hatine kuştin.