Artêşa Misrê got îro Şemiyê li xaleke vekolînê ya nîv-girava Sînai, pevçûn di navbera çekdarên cîhadî û hêzên ewlekariyê de derketin holê.
Peyvdarekî leşkerî di daxuyaniyekê de ji ajansa France Press re got 7 milîtan di êrîşê de hatin kuştin, di demekê de ku 15 serbaz hatine kuştin yan jî birîndar in.
Peyvdarê leşkerî Tamir el-Refayî di daxuyaniyê de got efserek û 14 serbaz hatine kuştin û birîndar bûne, lê wî jimara kuştiyan diyar nekir.
El-Refayî got wê hêzên ewlekariyê bidin dû “endamên terorîstan da ku wan jinav bibin.”