Encumenî Asayişî Netewe Yekgirtiwekan be koy deng biryarêkî bo ragirtinî şerî nêwan Israîl û Hizbuallah pesend kird.
Pirosey dengdanekey rojî heynî doxekey Lubnanî be hereşeyekî bo ser asayiş û aştî le cîhanda nawzed kird û daway ragirtinî tewawetî kare dujminkarîyekan kird, be hêrişekanî Hizbuallah û kirdewe leşkirîyekanî Îsraîllîşewe.
Rojî Heynî, herdû hikumetî Israîlî û Lubnanî amajeyan da bewey ke be biryarî agirbesteke razî debin, belam debêt herdû wilat dengî leser biden. Deselatdaranî Lubnanî Rojî Şemme pêdaçûnewe beser biryarekeda deken û Israîlîş rojî Yekşemme temaşay biryareke dekat.
Le seretay kobûnewekey Encumenî Asayiş, Kofi Annanî sikirtêrî giştî Netewe Yekgirtiwekan gutî şikisthênanî encumeneke lewey kardaneweyekî xêratirî bo kotayî hênanî ew xwên riştine hebêt, bawer û mitmaney em rêkxrawey le lay cîhan be şêweyekî xirap hejand. Herweha gutî tenha be çareserî dirêj xayen, detwanrêt be berdewami aştî biparêzêt.