Lînkên eksesibilîtî

Breaking News

Leşkerê Turkî dest bi vekêşana hêzêt xwe kirîye


Leşkerê Turkî dest bi vekêşana hêzêt xwe kirîye li devera Nêrwewrêkan nêzîkî tixubî li herêma Amedîye parêzgeha Duhokê û firokên Turkî hindavî deverê difirrin bê ku çi teqe li deverê bikin. Peyamhinêrê me Selam Balayî li Duhokê ev raporte hinartîye.

Leşkerê Turkî xwo ji deverên sînorê Herêma Kurdistanê vedikêşît. Nêzî du heftîyan leşkerê Turkî çendîn operasyonên leşkerî li ser sînorê Herêma Kurdistanê û hin caran di nava axa Herêma Kurdistanê da bi taybet li deverên Nêrwewrêkan û heftanînên qeza Zaxo encam dayîn.

Duhî serok Bush di konferanseka rojnamevanî da da xuya kirin ku bi zûtirîn dem leşkerê Turkî domahîyê bi operasyonên xwo bînît û ji Herêma Kurdistanê leşkerê xwo vekêşît.

Evro roja eynî, rêkeftî 29ê meha du-Sibatê, televîzyona NTV ya Turkî ji zar devê serkirdên leşkerê Turkîye ragihand ku evro dê operasyona leşkerî ya li dû çekdarên Partîya Karkerên Kurdistan li başûrê Kurdistanê bi dawî dînin.

Jibo piştrast kirina vî dengûbahsî me pêywendî bi nehîya Kanîmasî kir rojnamevan Ahmed Ednî bo Dengê Amerîka da xuya kirin ku leşkerê Turkî ji çar cihan xwo vekêşaye û nûke li bingehê Serêsêvê ku bingeheke leşkerê Turkî ye û yê berfireh e, dinavbera Çelê û Bêtkarê da ye, li wê derê xirvebûne û evroke çi bizavên wan yên leşkerî li Nêrwewrêkan û deverên sînorî Kanîmasî û Zaxo nehatîne encam dan.

Hejîye bêjîn ji bilî vê çendîn kenalên Erebî jî vekêşana leşkerê Turkî dane xuya kirin weke kenalê Surî û yê Hurre û yê Cezîre. Eve jî dibîte cihê dilxwoşîya xelkê Herêma Kurdistanê bi giştî û gundên sînorî bi taybetî.



XS
SM
MD
LG