Fermandarê berê yê Musilê Dureyd Keşmûle dibêje li Îraqê çê nabe aliyeka siyasî tenê hukimê bike.
Di hevpeyvînekê de digel Pişka Kurdî ya Dengê Amerîka, birêz Keşmûle basê dawîtirîn girjî û aloziyên nêvbera pêkhatin siyasî yên Musilê kir.
Lîsta El-Hedba piraniya denga li helbijartina parêzgehên Îraqê li meha yek wergirt û postên serekî yên parêzgehê biser endamên wê lîstê hatin dabeş kirin. Ev pêngava El-Hedba bu egera nerazî bûna lîsta Birayetî ya ser bi Kurdan.
Birêz Keşmûle dibêje tewafiq an rêkeftin her weke helbijartinan yeke ji binemayên serekî li Îraqê û çê nabe aliyeka siyasî li Musilê, an Hewlêrê, an her parêzgeheka dî tenê hukimê bike.
Bo guhdarî kirina hevpeyvîna digel birêz Keşmûle, fayla dengî ya rexê rastê vê perê kilik bike.
