Serokwezîrê Turkîya Recep Tayip Erdogan roja çarşembîyê li Stenbolê tevî serokê Surîye Beşar El Esed civîya jibo danûstandin kirinê li dor Iraq û herwisa prosa aştîya Rojhilata Navîn.
Herdu alîyan rêkeftineke hevkarîyê îmza kirin û ragihandin ku ew li domahîyê bi pêdivîbûna wizayê tînin bo hatûçûna li navbera Surîye û Turkîyê.
Turkîye ku li sala buhorî wek navberîvan kar kir jibo çêkirina danûstandinê li nêvbera Sûrîye û Îsraîlê, pêşnîyaz kirîye ku alîkarîyê bike bo dubare destpêkirina danûstandinêt aştîyê piştî ku ew têk çûbûn.
Turkîye herwisa bizav kirîye ku alozîyek dîplomatîka li navbera Iraq û Sûrîya de heyî nehêlît û ew alozîye ku li ser êrîşêt milîtanan li Bexdayê çêbûyî.
Îro pêncşembîyê Turkîye dê mêvandarîya wezîrên derveyên Iraqê û Surîyê biket û Wezîrên derveyê Turkîyê Ahmed Davudoglu û Sekreterê Giştîyê Komkara Erebî Amr Musa jî dê pişikdarî kombûnan bibin.