Lînkên eksesibilîtî

Breaking News

Dr. Kurmanc Gundî behsa nameya ku bo Neteweyên Yekgirtî hinartine kir


Dr. Kurmanc Gundî serokê Kongreya Niştimanî ya Kurdî (KNC) li Amerîka Bakûr ji wilayeta Tennesse ya Amerîkî digel Dengê Amerîka axift sebaret nameyekê ku wan hinartîye jibo Sekreterê Giştî yê Neteweyên Yekgirtî Ban Ki-moon li ser rewşa Kurdên Surî.

Dr. Kurmanc Gundî dibêje wan di nameya xwe de ji Sekreterê Giştî daxwaz kirine ku hin babetan bidine berçav di siyaseta xwe da ya digel Surî jiber ku di Destûra Surî de dibêje ewên li Surîye ne hemi Erebin û qutrê Surîye beşek e li ummeyê Erebî û her kesekî ku bixwaze karekî fermî û dewletî bidestvexe divêtin netewa xwo bigohrîtîn bo Erebî. Û herwisa çewa sîstema perwerdê tête bikaranîn bo îdeolojîya Baasî û pan-Erebî li nav zihnîyeta zarokan.

Dr. Gundî dibêje me xwestîye ku em weku berê îndî bê deng nebin derbarê Surî de û zulma li ser gelê me yê Kurd li wî welatî bînine ber çavê civata navnetwî. Herwisa dibêje rewşa Kurdên li Kurdisana Surî ji her sê parçeyên din xirabtir e jiber ku kêmanîya jimara wan û cografya wê beşa Kurdistanê nehiştîye ku dengekî bi hêz ji Kurdên wir derkeve.

Dr. Kurmanc Gundî dibêje Kurdên li wî welatî ji alî rêyên fermî weku 'mêvanên nexweşdivî"hatine binav kirin.

Gelî guhdaran hûn dikarin li ser lînka li destê rastê li dirêjahîya vê hevpeyvînê guhdarî bikin.


XS
SM
MD
LG