Lînkên eksesibilîtî

Tundûtîjî li Bexda ya zêdetir dibit - 2004-12-03


Pêla tundutîjîyan li Bexda ya bilind dibit û ya bikujtir dibit. Pitir ji 24 kesa ku 11 ji wan efserên polîsî bun li roja heynî li hêrişên jêk cuda li dijî dû bingehên polîsa û mizgeftekê hatine kuştin.

4 xwekuj ku paseka biçuk dihajotin xwe li nêzîk mizgefteka musilmanên şî’e li bakura Bexda peqandin. 14 medenî ku bo nivêja sipêdê li wêrê amade bun ligel wan hêrişvanan hatine kuştin û zêdetir ji 19 kesên dî biryndar bun.

Karbidestekê bilind yê hikumeta berwext got ew we bawer dikit ku ew hêrişa li dijî wê mizgeftê bo hindê bû da nexweşî û dujminayetî peyda biket wekî bizavekê bo destpêkirina şerekê medenî navbera musilmanên sunî u yên şî’e. Li heman dem, xirapkaran hêriş kirine ser dû bingehên polîsa li dû deverên jêk cuda li Bexda.

Hêriş bo ser yêk ji wan bingeha bi 5 muşeka hatibû kirin. Li bingeha polîsa ya dî, nêzîkî 20 xirapkaran bi serd wê bigehêda girtin ku arpîçî û çekêt biçuk pêbun. Li wê hêrişê, nêzîkî 11 polîsên Iraqî hatine kuştin û 5 biryndar bun. Wan xirapkaran 20 girtî berdan.

Bi hizra wî karbidestê bilind yê hikumetê, ew hêrişên li dijî bingehên polîsan bo hindê bû da hêzên parastinê li Iraqê sist biken ji berî helbijartinên nîştimanî ku biryare li meha bêt bêne encam dan.

Tundutîjî li Bexda ya zêde dibit ewey demê ku hêzêt leşkirê Emerîkî û Iraqî kontrol bi ser bajêrê Feluc da bikeneve ku li rojava Bexdaye û asêgeha xirapkaran bu.

peqînên xwekuj, hêrişên bi hawina, û peqînên li rexê cada yên bune rudanên rojane li Bexda ku dibête egera kuştin û biryndar buna gelek xelkê ku piranya wanjî medenîyên Iraqîne.

Li demê ku hikumeta berwext ya Iyad Allawi bizavê diket ku rewşa tenahiya welatî kontrol biket, karbidestên bilind dibêjin bo heye ew welat bi dirajahiya çend salên bihên ruî biruî kiryarên tundutîjî bibit.

Gelek ji wan hêrişan yên keftine di stoyê xirapkaranda. Û li ser vê çendê, wezîrên navxwu yên welatên Erebî yên hevtuxub ligel Iraqê kombunek li vê heftiyê li Tehran girêdan.

Karbidestên Iraqî daxaza hevkariyeka zêdetir dikirin sebaret bi parastina tixubên welatê wan ji derbazbuna xirapkaran û bi taybetî ji berî helbijartinên nîştimanî yêt meha bêt.

XS
SM
MD
LG