Lînkên eksesibilîtî

Breaking News

Rastîya Goristana ku Tirkîyê li Efrînê Kolandiye Çi Ye?


Meclîsa Malbatên Şehîdan ya Herêma Efrînê îdiaya Tirkîyê ya dîtina goristaneke girseyî ya veşartî li Efrînê bi tundî red kir û wek dereweke bê bingeh bi nav kir.

Berpirs û çapemenîya Tirk Çarşema borî îdia kiribû ku goristanek li bajarê Efrînê hatîye dîtin û hêzên Kurdî bi encamdana komkujîyekê tawanbar kiribûn.

Dor mijarê meclîsê bi daxuyanîyekê ji bîragiştî re agahîyên girîng ragihandin û rastîya wê goristanê eşkere kir.

“Piştî nêzîkbûna artêşa Tirk ji bajarê Efrînê û bombebarankirina bajêr, komkujî pêk anîn, weke komkujîya taxa Mehmûdîyê ya Efrînê ya di 16`ê Adarê de. Wê demê Meclisa Malbatên Şehîdan nekanî şehîdên komkujîyan yên sivîl û leşkerî li goristanên li derveyî bajêr veşêre, jiber wê li nêzî nexweşxaneya Avrîn a li Efrînê hatin veşartin”, daxuyanîyê ragihand.

Girêdayî mijarê hin şahidên rojên şer û êrîşa Tirkî dijî Efrînê sala 2018'an, ji Dengê Amerîka re heman agahî piştrast kir ku jiber dijwarîya topbaranê cangorî li wî cihî hatine sipartin û tê de sivîl û şervanên YPG'ê bûn.

Her di vê derbarê de Fermandarê Giştî yê Hêzên Sûrîya Demokratîk (HSD) Mazlum Ebdî di twîtekê de got ku Tirkîyê rastîyan berûvajî dike û goristana cangorîyên ku jibo Efrînê xwe fêda kirine,ji nav dibe.

Ebdî herwiha bang li civaka navdewletî kir tevbigre da ku Efrînê û gelê wê ji sûcên şer û yên dijî mirovahîyê biparêze.

Hêjayî bi bîrxistinê ye ku ev ne cara yekê ye goristan û mezargeh li Efrînê tên rûxandin, berê hersê gortstanên Refîq li gundê Metîna, Seydo li Qaziqli û Avêsta liser rêya Kefirşîlê hatibûn xirab kirin, herwiha pir mezargehên ola Êzîdî jî rastî heman kiryarê hatibûn.

please wait

No media source currently available

0:00 0:03:25 0:00

Şîroveyan bibîne

XS
SM
MD
LG