Lînkên eksesibilîtî

Breaking News

Partîya El-Musteqbel li Qamişlo Civîneke Girseyî Dar Xist


Partîya El-Musteqbel roja Yekşemê semînereke girseyî bajarê Qamişlo li dar xist û partî, rêxistin û kesên serbixwe û rewşenbîr tê de beşdar bûn.

Serokê partîyê Birahîm Qeftan ligel endamên encûmana rêvebir di semînerê de armanc û programa partîya xwe şîrove kir.

“Partîya me hewil dide ku li ser bingeha parastina yekbûna Sûrîyê û bê cûdabûnên mezhebî, neteweyî û olî hemû Sûrîyan hembêz bike. Bi civînên wiha em dixwazin armanc û programa xwe ji gel re bidin nasîn.”

Qeftan da zanîn ku berê jî li Hesekê û Dêrezorê kombûnên wiha hatine kirin û ewê li seranser Sûrîyê civînên wiha pêk bînin.

Endamê desteya rêvebir ya TEV-DEM’ê Abdulselam Ahmed jî hêvî dike ku partîya nû bikaribe li seranserî Sûrî cîhê xwe bigire û aktîf be.

Hêjayî bîrxistinê ye ku Partîya Sûrî ya El-Musteqbel, di 27'ê Adarê de kongreya damezrêner li dar xistibû.

Di wê kongrê de nûnerên partîyên sîyasî yên Rêvebirîya Xweser, nûnerên koalîsyona navnetewî û herwiha nûnerên encûmanên sîvîl yên Reqa, Minbic, Teqa û Dêrezorê amade bûbûn.

please wait
Embed

No media source currently available

0:00 0:04:41 0:00

XS
SM
MD
LG