Jina Sudanî Alaa Salah, ku bûye sembola serhildanên girseyî yên nerazîbûnê, îro Çarşemê got ku şoreşa wan hîn neqedîye û divê hemî rejîma zordar û kujer bi tevahî were jêbirin.
Salah di hevpeyvîneke taybet de ji Reutersê re got ku gêrkirina serokê berê Omer Beşîr ne bes e û divê hemî paşmayîyên rejîma wî ya zordar ji tune bin.
“Daxwazên me ew e ku rejîma gênî û dizek ji kokê were tune kirin. Wê rejîmê Sudan wêran kir. Bertîl û pere xwarin li her derê ye. Ew rejîm mêrkuj û talanker e.”
Salah bi vîdyoya ku li ser otomobîlekê ji xwepêşanderan re dipeyîvî, li hemî vîhanê hatibû nasîn û ew bûbû sembola serhildana dijî Beşîr ku jin tê de roleke girîng dilîzin.
Civata leşkerî ya Sudanê ragihandibû ku ewê heta du salan li ser desthilatê bimîne û dû re hilbijartinan pêk bîne û rêvebirîya welêt ji sivîlan re bihêle.
Ew daxuyanî bûbû sedema nerazîbûnên xwepêşanderan ku dixwazin demûdest hikûmeteke sivîl Sudanê bi rê ve bibe.
Sudan demek e dirêj e ku rûbirûyê buhabûnê mesrefên jîyanê, kêmahîya diravê neqît û pêdivîyên bingehîn e û ew jî nerazîbûna gel zêde kiriye.
Gelek pispor rewşa aborîya welêt bi rêvebirina xirab, dizî û pere xwarinê, bandorên toleyên Amerîkî girêdidin.
Sudanê herwiha dahatîyên petrolê ji hinda kiribû, piştî ku Sudana Başûr di sala 2011’an de serxwebûna xwe ragihandibû.