Wezareta Derve ya Amerîka, bo Rûsya hişyarîya serdanê kir. Li gor hişyarîyê, dibe ku jiber Kupaya Cîhanî ya Futbolê li Rûsya êrîşên terorî li dar kevin û hemwelatîyên Amerîkî jî gelek caran ji alîyê karbidestên ewlekarî yên Rûs ve tên aciz kirin.
Wezareta Derve da zanîn ku organîzasyonên navneteweyî bala terorîstan dikşîne û dibe ku ew dijî stadyuman, navendên gerûgeştê, rawestgehan û avahîyên hikûmetê êrîşan li dar xînin.
Di hişyarîyê de tê ragihandin ku polîsên Rûs û karbidestên din gelek caran hemwelatîyên Amerîkî acizn dikin, bi çavekî nerind li wan dinêrin û hin caran jî pereyên wan bi zorê ji wan distînin.
Wezaretê dîyar kir ku karbidestên balyozxaneyê yên bo alîkarîya hemwelatîyên Amerîkî hatine erkdar kirin jî bi sedemên nemaqûl tên rawestandin û kar dereng dibin.