Hikûmeta Amerîkî îro Înê ragihand ku tixubê bejeyî ya bi Kanada û Meksîko re wê heta 21’ê meha Adarê ji rêwîtîya ne bingehîn re girtî bimîne.
Dirêjkirina qedexeya heyî ya 30 rojên din, biryara yekê ya rêvebirîya Serok Joe Biden e ku li ser rêkên xurtkirina pîvanên pêşîgir yên dijî vîrusa korona digere û dixwaze traafîka bejeyî sînordar bike.
Ji alîyê xwe ve, Kanada jî naxwaz e ku sînorên heyî sist bike jiber ku Ottawa jî tedbîrên bo pêşîgirtina belavbûna korona xurt kiriye.
Hikûmeta Kanadî niha ji rêwîyên bejeyî dixwaze ku berî têketina axa Kanada testa COVID-19 bikin.
Hikûmeta Amerîkî ji di 26’ê meha yek, Rêbendanê de şert danîbû ku testa hemî rêwîyên ku bi rêka esmanê digehijin Amerîka neyênî derkeve.