Lînkên eksesibilîtî

Amnesty: Li Tuz Xurmatû Herî Kêm 11 Sîvîl Hatine Kuştin


Di vê fotoya 14'ê Cotmehê de kolanên taxa Kurdan li Tuz Xurmatû vala xwane dibin

Amnesty International îro Sêşemê bi daxuyanîyeke nivîskî ragihand ku di encama wêneyên satelaytî, vîdyo, foto û daxuyanîyên ku ji alîyê wê de civandin, nîşan daye ku sîvîl hatine neçar kirin ku cîh û warên xwe li Tuz Xurmatû bihêlin û birevin.

Amnesty dide zanîn ku di şerê navbera hêzên Îraqî û pêşmergeyan de, di 16'ê Cotmehê de herî kêm 11 sîvîl hatine kuştin, bi sedan xanî û dîkan hatine talan kirin û şewitandin.

Amnesty dîyar dike ku xuya bû ku ew êrîş li taxên Kurdan li Tuz Xurmatû pêk hatine û Kurd bi mebest hatine armanc kirin.

“Di nav çend seetan de jîyana gelek zarok, jin û mêran li Tuz Xurmartû hatine wêran kirin. Bi hezaran kes xanî, firoşgeh û hemî tiştên xwe hinda kirin û niha li kamp, gund û bajarokên derdorê dimînin û li bendê ne ku kengî bikaribin vegerin malên xwe,” dîrektora lêkolêna Rojhilata Navîn ya wê rêxistinê, Lynn Maalouf got.

Wê ji hikûmeta Îraqê xwest ku soza xwe cîh bîne û rê nede êrîşên hember sîvîlan û kesên berpirs ceza bike.

“Divê hikûmeta Îraqê dest bi kiryaran bike û bi awayekî bêalî lêpirsîna bûyeran bike û kesên berpirsên tundî û tûjî bîne pêş dadgehê,” Maalouf bang li Bexda kir.

XS
SM
MD
LG