Lînkên eksesibilîtî

Breaking News

Avusturya Girêdayî Termên Penaberan 3 Kes Desteser Dike


Karbidestên Avusturî dibêjin, wan girêdayî termên 71 penaberan ku di nav qamyonekê de hatibûn dîtin, 3 kes desteser kirin.

Karbidest îro Înê dibêjin, du ji wan kesên desteserkirî Bulgarî ne û yê din jî xwedîyê nasnameya Macarî ye.

Polîsên Avusturî jî dibêjin, texmîna wan yê pêşîn li ser hejmara mirîyan kêm bûye û wan bi giştî 71 meyt dîtin.

Li gor polîsan 59 ji qurbanîyan mêr, 8 jin û 4 ji zarok in û wan di nav qamyon de, jiber tunebûna oksîjenê fetisîne.

Rêvebirê polîsan li herêma Burgenland ya Avusturya got, di nav terman de nasnameyeke Sûrî hate dîtin, ku reng e hinek ji wan kesan penaberên ji Sûrîyê bin.

Hêjayî bîrxistinê ye jiber şerê berdewam ya li Sûrîyê hejmarên mezin yên Sûrî ji welatê xwe direvin û hewil didin ku xwe bigehînin welatên Ewrupa.

XS
SM
MD
LG