Hevserokê Partîya Wekhevî û Demokrasî ya Gelan (DEM Partî) Tuncer Bakirhan got sekreteryaya Abdullah Ocalan hatiye xurtkirin.
Bakirhan di komcivîna partîya xwe de dîyar kir ku Ocalan li Girtîgeha Îmraliyê derbazî cîhekî nû bûye û ew bo prosesê di rewşeke hîn baş de dixebite.
"Ez vê yekê ji vir bi awayekî zelal bibêjim: Jibo bi awayekî hîn çapik û hîn kêrhatî bixebite, sekreteryaya wî hat xurtkirin. Em cara yekê ye vê dibêjin." Bakirhan got.
Wî bi berdewamî dîyar kir ku gerek ew hiqûq û sîyasetê bixin şûna çekdanînê.
Ocalan, li ser prosesa nû Sibata 2025’an bang li Partîya Karkerên Kurdistanê (PKK) kiribû ku çekan berde û xwe hilweşîne.
Hikûmet ser prosesê dibêje Tirkîyeya Bêteror û dîyar dike ku ew projeya herî mezin ya sedsala nû ya welêt e.
Çaverê ye parlemana Tirkîyê meha pêş ser pêvajoyê komîsyoneke çavdêrî û şopandinê çêke.
Serokê Parlemana Tirkîyê Numan Kurtulmuş hefteya borî serdana partîyan kiribû û bi karbidestan re ser avakirina komîsyonê peyîvîbû.